Diario Vasco

Igartza Musika bekarako aukeraketa frogak

Hitzarmena sinatu zen eguneko argazkia.
Hitzarmena sinatu zen eguneko argazkia. / JUANTXO UNANUA
  • Azaroaren 5ean egingo dira, publikoari irekiak izango dira eta bekaren irabazleen izenak entzunaldiaren amaieran jakinaraziko dira

Hamabost musikari izan dira guztira Musikene Euskal Herriko goi-mailako musika ikastegiak aukeratu dituenak larunbat honetan Igartzako jauregian egingo diren aukeraketa frogetarako. Azaroaren 5ean, arratsaldeko 15:00etatik aurrera hasiko dira zuzeneko emanaldi irekiak eta Damian Martinez, Sorkunde Idigoras, Marijose Cano eta Arantxa Gastesik osatutako epaimahaiak erabakiko du nortzuk izango diren diruz lagundutako bi bekak lortuko dituztenak. Goi Mailako Musika Ikasketetako ikasle aukeratuak 2.000 euroko beka jasoko du eta Musikeneko Master ikasleak, 3.000 euro.

Entzunaldi frogetan biolontxeloa, tronpa, biola, biolina, saxofoia, arpa, perkusioa, tronpeta jazz, tronboia jazz, baxu elektrikoa eta ahots soprano entzun ahal izango dira. Ikasleen artean zazpi emakumezko eta zortzi gizonezkoen interpretazioak entzun ahal izango dira. Emanaldi bakoitza hamabost minutukoa izango da. Atseden tarte bat izango da lehen zazpi entzunaldien ondoren eta guztiek amaitzen dutenean epaimahaiaren erabakia jakinaraziko da.

Beasaingo Udal gobernuaren aldetik, legegintzaldirako kultur mailan musikarekin lotuta zegoen egitasmo nagusietakoa zen 'Igartza Musika Beka' gauzatzearena. Musikari gazteei bultzada bat emateko helburuarekin sortu da, eta Igartza Musika programaren osagarri izan da. Musikeneko ikasleak onuradunak izango badira ere Beasain eta beasaindarrei eragingo dien ekimen bat da zalantzarik gabe ekimen hau.

Igartza Musika bekak, Beasaini eta beasaindarrei musikari gazteen lanaren emaitzak bertan plazaratzea ere ekarri du.

Musikene eta Beasaingo Udalaren arteko hitzarmenak hiru ikasturteko iraupena izango du. Beasaingo Udalak, “Igartza Musika Beka” ezartzen dela eta, hiru urteko erabateko aldian (2016, 2017, 2018). Musikenen Goi Mailako Titulazioaren laugarren urtean eta Masterrean matrikula egina duten ikasleek izango dute saria jasotzeko aukera.

Temas

Recibe nuestras newsletters en tu email

Apúntate