Lur azpiko garajeak egingo ditu Udalak Gurutze auzoan

34 garaje eraiki ahal izango dira Gurutzen. /  A. ALARCIA
34 garaje eraiki ahal izango dira Gurutzen. / A. ALARCIA

Lehiaketa bidez emango du garakeak eraikitzeko lana eta aukeratutako empresak salduko ditu hauek, prezio jakin batean

AINARA ALARCIA LAZKAO.

 Gurutze auzoko lehen eraikuntzen (1etik 6ra) eta errekaren arteko eremuan urbanizazioa berritzeko lanak amaitu ondoren, auzoa berrurbanizatzeko hurrengo faseari heldu dio orain Udalak. Horrela, Gurutze 1 eta Gurutze 2 pareko plazan lur azpiko garajeak eraiki eta inguru horretako urbanizazioa berritzeko proiektua eta kontratazio espedientea onartu zituen maiatzeko osoko bilkuran.

Lazkaoko udalak lehiaketa bateratua egingo du, urbanizazio lanak egin eta garajeak eraikitzeko prest dauden enpresak aurkeztu daitezen. Udalak berak urbanizazioa ordainduko du (lizitazio kostua 816.635 eurokoa da) eta aurkezten diren empresen artean aukeratutakoak aurre egin beharko die garajeak eraikitzeko kostuei. 34 garaje eraiki ahal izango dira eta empresa esleipenduna arduratuko da saltzeaz, prezio jakinean.

Izen ematea

Proiektua gauzatzeko interesik duen empresarik aurkeztuko balitz lizitaziora eta, eskatutako baldintzak bete ondoren, obrak adjudikatuko balira, izena emateko epea irekiko litzateke garajeak erosteko interesa dutenei zuzenduta (aurrez, udalak egindako estudioetan interesa agertu duten erosle posibleek ere berriro eman beharko lukete izena).

21.500 euro

Kasu horretan, enpresaren ardura izango da izen emate horren kudeaketa eta garajeen salmenta baina baldintzak orain arteko berdinak izango lirateke: garaje bakoitzaren prezioa 21.500€ + BEZa izango da gehienez eta erosleak Lazkaon erroldatua egon behar du, edo Lazkaon jarduera ekonomiko bat izan.

Obren esleipendunak garaje guztien %75a salerosketa kontratu baten bidez bermatzeko aukerarik izango ez balu, atzera egin eta prozesua bere horretan eteteko aukera izango du.

Garajeen bideragarritasuna posible egiten duten erosle nahiko egongo balitz ordea, prozedurak aurrera jarraituko luke eta zortzi hilabeteko epea izango luke garajeak eraiki eta urbanizazioa amaitzeko.

Contenido Patrocinado

Fotos

Vídeos