Ataungo nesken palako taldea, ezker hormako Gipuzkoako gomazko paletako txapelaren bila

DV ATAUN.

Aurreko batean aditzera eman zenez, Ataun Kirol Elkarteko nesken palako taldeak, larunbat honetan, goizeko 11tan Hernanin erabakiko den Gipuzkoako ezker hormako gomazko paletan, 1.go mailako jubenil nesken txapelketan jokatuko dute. Bertan izango dira ataundarrak, txapelketa borobila burutu ondoren, Asteasuko Atzapar taldekoekin txapela lehiatzen. Ataun Kirol elkarteko neskak paper bikaina burutu dute ligazkako partidu bakarra galduta.

Maialen Galparsorok eta Elorri Ramirezek atzean erakutsi duten sendotasuna eta Amaia Lopezek aurrean ematen dion erritmoa izan dira hain emaitza honen gakoak. Urte bikaina daramate, udaberriko txapelketa irabazi zuten duela hilabete batzuk eta ilusioz beterik hartuko dute final berri hau ere.

Pozgarria da ataundarrentzat nesketan lortzen ari diren emaitzak, jubenil zein infantiletan eta aipagarria da baita ere, dagoeneko 15 neska dabiltzala kategori txikietan Ataungo Pilota Eskolan palan jokatzen.

Contenido Patrocinado

Fotos

Vídeos