Asteburu honetan hasiko da Ion Ander Izagirre Frontenis Txapelketa

YARZA BERROBI.

Mutilen binakako partidekin emango diote hasiera bihar larunbatean Ion Ander Izagirre Frontenis Txapelketaren XXVI. Edizioari. Aurten ehundik gora pilotarik parte hartuko dute: 36 bikote arituko dira lehian mutilen mailan. Gainera, nesken binakako txapelketan bost bikote izango dira, mixtoan sei, eta hamabost parte hartzaile mutilen banakako txapelketan.

Bihar goizeko 8:00etan hasiko dira partidak, denak jarraian, azkenekoa 17:15ean hasiko da, eta igandeko partidek ere ordutegi bera izango dute. Hemendik aurrera, asteburuero jokatuko dira sailkapen partidak. Finalak abenduaren 8an jokatuko dira.

Erroizpera mendi irteera

Era berean, Ibin Kirol Klubak Erroizpera irteera egingo du igandean. Oraingoan Berrobitik oinez igoko dira parte hartzaileak. Irteera goizeko 8:00etan egingo da eta 804 metrotara dagoen Erroizpeko gailurra hamaikak aldera zapaltzea aurreikusita dago, ondoren bertan jango da norberak eramandako hamaiketakoa. Berrobira arratsaldeko 13:30erako iristea espero da. Parte hartu nahi dutenek www.berrobibizia.eus webgunean izen eman dezakete.

Contenido Patrocinado

Fotos

Vídeos