Aralar Intxurreko gizonezkoen bi taldeak garaile izan dira asteburuan

Emakumezko jubenilen partida bertan behera geratu zen Andoainen euriaren eraginez

GOIKOETXEA ALEGIA.

Aralar Intxurreko hiru taldeetatik bik garaipena lortu dute asteburuan jokaturiko partidetan. Gizonezkoen mailakoak izan ziren bi talde horiek. Aralar Intxurre Bk 4-6 irabazi zuen Danenaren zelaian. Garaipen horrekin bosgarren postuan diraute sei punturekin eta asteburuan Euskalduna liderraren bisita jasoko dute. Aralar Intxurre A taldeak, berriz, 0-7 irabazi zion Ordiziari. Aitzakiarik gabeko garaipen horren ostean, asteburuan atsedena izango dute. Emakumezkoek 4-3 galdu zuten Ostadarren zelaian. Punturik batu ezinda jarraitzen dute eta Tolosaren aurkakoa izango dute asteburuan etxean.

Gainontzean, jubenilen mailako gizonezkoen taldeak multzoko lidergoa hartu du beraiekin berdinduta zegoen Beasaini 4-1 irabazi ostean. Hiru puntuko aldea ateratzen diote orain bigarren sailkatuari eta zazpigarren dagoen Segura Goierriren aurka garaipen berri bat lortzeko parada izan dezakete asteburuan etxetik kanpo. Maila bereko emakumezkoen taldeak Andoainen jokatu beharreko partida bertan behera geratu zen euritea medio. Danena azken sailkatuaren aurka jokatuko dute asteburuan etxetik kanpo.

Erregionalek 1-0 galdu zuten Segura Goierriren zelaian. Zazpi punturekin sailkapeneko bosgarrenak dira eta hirugarren dagoen Usurbilen aurka jokatuko dute asteburuan etxean. Azkenik, kadete mutilek 4-1 galdu zuten Zubietan Realaren aurka. Zazpigarren postuan daude bost punturekin eta Billabonaren aurka jokatuko dute asteburuan Elorrin.

Fotos

Vídeos