Apattaerreka industrialdeak 64.849 metro koadro gehiago izango ditu

Eskualde mailako industrialdea da Apattaerreka, Gipuzkoako handienetakoa./SPRI
Eskualde mailako industrialdea da Apattaerreka, Gipuzkoako handienetakoa. / SPRI

AHTaren Gipuzkoako ibilbideko hiru trenbide-zatitako soberakinak erabiliko dira betelanerako

TAILSA-Tolosaldea Apattaerreka Industria Lurra S.A.k eta ETSk 2009an sinatutako hitzarmenaren bidez, AHTaren Gipuzkoako ibilbideko hiru trenbide-zatitako soberakinak (1.100.000 m3) erabiliko dira egungo industrialdearen ondoan dagoen ibarbide bat betetzeko.

Hiru trenbide-zati hauetatik ekarri da betelanerako lurra 2011tik hona: Tolosa-Hernialde, Tolosa eta Hernialde-Zizurkil.

Erakunde arteko hitzarmen horri esker parte hartzaileek elkar lagundu dute AHTko lanak aurrera eramaten eta Apattaerreka industrialdeko zabaltze-lanei aurrerabidea ematen.

Sprilur-ek, Gipuzkoako Foru Aldundiak eta Tolosaldeako udalek partaidetutako Tolosako Industrialdea, TAILSA–Tolosaldeko Appattaerreka Industria Lurra S.A., hasi da tramitatzen Apattaerreka industrialdea zabaltzeko lanak. Lan-eremuak 154.298 m2 izango ditu, eta lanak amaitutakoan 64.849 m2 lursail industrial jarriko dira enpresen esku.

Behin bukatu ondoren TAILSA eta ETS sozietateek sinatu zuten lankidetza-hitzarmena AHTaren 3 trenbide-zatitatik ateratako material betegarria (1.100.000 m3) egungo industrialdearen ondoan dagoen ibarbide batean pilatzeko, Industrialdeak plataforma bat izango du Apattaerreka industrialdearen zabaltze-lanei ekiteko eta denborarekin Gipuzkoako industrialde handienetako bat bihurtzeko.

Hasieran, asmoa zen 1.100.000 m3 material betegarri metatzea industrialdean, baina, azkenean, 925.000 m3 eraman dira. Beraz, orain TAILSA beste eskaera bat tramitatzen ari da, gainerako 175.000 m3 betegarriak eskuratzeko, material horrekin bukatzeko lursailaren atonketa lanen azken fasea, eta ondoren zabaltze-lanei ekiteko.

TAILSA-Tolosaldea Apattaerreka Industria Lurra S.A.k eta ETSk hitzarmen bat sinatu zuten 2009an, AHTaren Gipuzkoako ibilbideko hiru trenbide-zatitako soberakinekin (1.100.000 m3) egungo Apattaerreka industrialdearen ondoan dagoen ibarbide bat betetzeko.

Iragan apirilean zertifikatu zuen Ingurumen, Lurralde Antolamendu eta Etxebizitza Sailak bukatuak zirela ETSk eta TAILSAk sinatutako hitzarmenean aurreikusitako betetze-lanak. Hala, betetze-lanak bi zatitan egin dira: lehenik, TAILSAk berak –lurren jabeak– ibarbidea prestatu zuen. Fase hori 2011n hasi zen, eta haren baitan AHT-Euskadiko Burdinbide Sare Berriaren lanetatik ateratako materiala eraman zen industrialdera.

Bigarren zatian, 2011ko azaroan hasita, ibarbidearen betelanak egin ziren AHTren hiru trenbide-zatitatik erretiratutako materialarekin. Tolosa-Hernialde lehen trenbide-zatia 2013ko ekainera arte luzatu zen. Hurrengo trenbide-zatiko lanek, Tolosakoek, lau hilabete inguru iraun zuten, 2013ko abuztutik azarora. Material soberakina erretiratu zaion azken trenbide-zatia Hernialde eta Zizurkil artekoa izan da, eta hor lanak 2014ko martxoan hasi eta 2016ko otsailean bukatu ziren.

Behin hitzarmen hau amaitu ondoren, nabarmentzekoa da lankidetza honek bi helburu bete dituela: batetik, AHTa egiteko lanekin elkarreragitea, espazio bat eskainiz erauzitako material soberakina metatzeko, eta bestetik, ekonomi jardueretara bideratutako Apattaerreka ingurunea handitzen laguntzea.

Inguru hori hautatu zen betegarria pilatzeko oso leku onean kokatua dagoelako: burdinbidetik hurbil dago eta errepidetik sarbide zuzena dauka.

Orain, Gipuzkoako Foru Aldundiak behin betiko onarpena eman ondoren Ibarrako eremuko Arau Subsidiarioen aldaketari, TAILSA-Tolosaldeko Apattaerreka Industria Lurra Sozietateak hasiera eman dio Ingurumen Ebaluazio Estrategikoari, gehi horretarako beharrezkoa den HAPB-Hiri Antolamendu Plan Bereziari, Ibarra eta Tolosa herrien artean kokatutako industrialdea handitzeko. Aurreikuspenen arabera, 18 hilabete barru eskuartean izango du Urbanizazio Proiektua, industrialdea handitzeko lanei hasiera eman ahal izateko.

Apattaerreka industrialdea Gipuzkoako handienetakoa da (512.828m2). Gaur egun, 92.175m2 lurzoru industrial urbanizatu eskaintzen ditu instalazio propioak eraiki nahi dituzten enpresentzat, eta horietatik 3.355m2 libre daude oraindik: 1.355m2 eta 2.000m2ko bi lursail dira. Pabilioi eskaintzari dagokionez, TAILSAk 18.303m2 kudeatzen ditu guztira, eta 1.195m2 dauzka oraindik eskaintzeko, hau da, 348 m2tik gorako hiru nabe. Bestalde, bulego-eraikina 2.516m2koa da, eta oraindik 1.431m2 eskaintzen ditu lokaletarako, 41,65 m2ko barrutietatik hasita. Guztira, 65 enpresa daude kokatuta industrialdean, eta 1.144 langile enplegatzen dituzte.

Temas

Euskera

Contenido Patrocinado

Fotos

Vídeos