Jon Ander Odriozola, hamarkada bat baino gehiago Arantzazura oinez igoz

Jon Ander Odriozola Santutegiaren aurrean. / NÚÑEZ
Jon Ander Odriozola Santutegiaren aurrean. / NÚÑEZ

NÚÑEZ ANOETA.

Gipuzkoan promesa bat egiten denean ohikoa da Arantzazurako igoera egitea. Jon Ander Odriozola urtero igotzen da Ostegun edo Ostiral Santuan duela hainbat urtetatik. Aurten ere han izan da. «Txikitan gurasoekin joaten ginen urtean behin edo bitan Arantzazura. Ohitura hori pixka bat mantentzeko egin nuen urtero oinez igotzeko promesa. Orduan oinez igotzen ikusten nituenak inbidia pixka bat ematen zidaten, ni ere igoko nintzela jakin gabe», oroitzen du.

Hala ere, kontua galdua du noiz hasi zen igotzen. «Gehienetan bakarrik igo izan nahiz, berdin du beroa, hotza, euria, kazkabarra edo elurra ari duen. Urte batzuetan arreba Josunerekin eta Aitor koinatuarekin igo izan naiz ere. Gurasoak autoz joaten ziren, eta gu, oinez».

Bidean paisaiaz gozatzen du, «gora iristen zoazen bitartean bailara ireki egiten da, eta ederra da benetan», dio. Guztia oroitzapenez josia egoten da eta «urteko balantzea egiteko ere erabiltzen dut. Beste batzuk urtearen amaieran edo hasiera egiten dutena, nik egun horretan egiten dut. Kristau bezala, Ostegun eta Ostiral Santua urteko egunik garrantzitsuenak dira eta horregatik igotzen naiz egun horietan».

Behin Arantzazura iritsita arratsaldeko meza entzuten du eta Oñatirako bidea hartzen du berriro. Ordu eta erdi inguru behar izaten du, bai igotzerakoan zein jaisterakoan. «Lasai igotzen naiz, igoerako hasieran autoa utzita. Mezarako iristea nahikoa dut. Hurrengo urtean berriro itzultzeko osasuna eskatzen dut, baita ezagun guztientzat ere. Osasuna dudan bitartean igoko naiz». Jaitsiera ere oinez egiten du, «promesaren parte da», askotan ezagunek autoan jaisteko eskaintzen dioten arren.

Arantzazuko paisaiaz gain, kanpaiek han duten doinua entzutea gustuko du. Anoetan bera da parrokian kanpaiak jotzeko arduraduna, «izeba Agustinak angelusa jotzen du eguerdiko hamabietan» eta Arantzazukoak zerbait ezberdina dutela uste du. «Inguruko eliza gehienetan antzeko doinua dute kanpaiek, baina Arantzazun ezberdin entzuten dira. Eliza barruan kanpaiak entzutean ere sentsazio ezberdina da. Bailarak egiten duen oihartzuna izango da, ez dakit».

Recogida selectiva

Hace cinco años que se instaló en Anoeta la recogida de residuos puerta a puerta, y desde hace un año el papel y el plástico se recogen mediante contenedores. El año pasado la tasa media de reciclaje en Anoeta se situó en torno al 72 por ciento. Con el objetivo de aumentar la tasa de reciclaje y mejorar la recogida selectiva, desde ayer, de 11.30 a 14.00 horas, un educador recorrerá las diferentes zonas de recogida para informar a los vecinos y aclarar las dudas que tengan.

Contenido Patrocinado

Fotos

Vídeos