San Adrianen meza igande honetan

EDURNE ALBIZU ZEGAMA.

Datorren igandean, ekainaren 17an, goizeko 9:30etan Meza emango du Bittorio Zabalgogeaskoa fraideak San Adruiango koban. Ohikoa denez, nahiz eta ekainaren 16a izan San Adriango eguna, hurrengo igandean egin ohi da bertako meza. Meza ondoren, Zegamako udalak hamaiketakoa eskainiko die bertaratu guztiei.

Irteera

Orain dela hamarkada bat hasi zen ohiturarekin jarraituz, Sabiñanigo, Gasteizko Mendaur eta Zegamako Amezti Mendi Elkarteetako kideek, elkarrekin pasa zuten eguna. Aurtengoan zegamarrak ziren antolatzen eta Ataun ingurua ezagutu araztea pentsatu zuten. Lizarrusti gainetik, Lareoko urtegira joan ziren, ondoren Agautz tontorrera, bertatik Ataun domoa ikusi eta Urkillagatik barrena, Ergoien auzoan amaitu zuten ibilaldia. Ondoren denak, Urbitarte sagardotegian bazkaldu zuten, lagunartean giro oparo bat tarteko. Guztira 60 lagun inguru elkartu ziren. Datorren urterako lekukoa aragoiarrek hartu dute.

Contenido Patrocinado

Fotos

Vídeos