Abian da Lazkaon Goierriko IX. Pilota Txapelketa

Pilotari gazteak plazako frontoian jokatzen. /  ALARCIA
Pilotari gazteak plazako frontoian jokatzen. / ALARCIA

Urte pare bateko etenaldiaren ondoren, martxan da berriro eskualdeko eskola umeen pilota txapelketa

A. ALARCIA LAZKAO.

Abian da Lazkaon, Goierriko IX. Pilota txapelketa. Eskolaumeek apirilaren ondoren, eskola kiroleko jardunaldiak amaitzean, pilotan jolasten segi dezaten sortutako txapelketa da hau. Gipuzkoako txapelketa berriro hasi arte ez dute partidarik izaten pilotari gazteenek eta horrexegatik sortu zen. Bere asmo eta xedea eskola adineko haurrei pilotan lehiatzen jarraitzeko aukera ematea da, eta beraz, sustatzen dena ez da hauen errendimendua, parte hartzea baizik.

Guraso talde batek antolatu du aurtengoan, urte pare batetako etenaldiaren ondoren. Duela aste batzuk hasi zen eta ekainaren 23ra arte luzatuko da txapelketa eta Lazkaoko pilotariez gain, Ataun, Beasain, Ordizia, Ormaiztegi, Segura, Zaldibia eta Zegamako gaztetxoak dabiltz lehian. 2007, 2008 eta 2009an jaiotako 91 pilotari animatu dira aurtengoan eta hiru multzotan banaturik, adinaren arabera, jokatu dute lehen fasea.

Lazkaoko plazako pilotalekuan lehiatu dira orain arteko partidak, larunbat arratsaldez eta igande goizez, eta bertan izango dira baita ere txapelketa amaitzeko geratzen direnak. Oraingoz hiru mailatako final erdiak jokatuko dira datorren larunbatean, ekainak 9an.

Contenido Patrocinado

Fotos

Vídeos