Diario Vasco

Ludoteka, zirko tailerra eta multikirola udan haur eta gaztetxoentzat

Ekaineko azken egunetan eta uztailean ludoteka zerbi-tzua, zirko tailerra eta askotariko kirolak egiteko aukera eskainiko die Alegiako Udalak herriko haur eta gaztetxoei. Ludoteka uztailaren 3tik 28ra egongo da martxan, bi txandetan: hilaren 3tik 13ra eta 17tik 28ra. 10:00etatik 13:00etara egongo da ludoteka zabalik 2005 eta 2013 urteen artean jaiotakoen-tzat. Txanda baterako matrikulak 40 euroko kostua du, eta bi txandetarako izena ematen duenak 70 euro ordaindu beharko ditu.

Uda Kanpaina 2017 ekimenak, bestalde, zirko tailerra, multikirola eta piraguismoa jasotzen ditu bere baitan. Zirko tailerra, 2011n edo lehenago jaiotako umeei zuzendua, ekainaren 26tik 30era egongo da martxan, sortzen den taldearen arabera zehaztuko den ordutegian, eta izen-emateak 15 euroko kostua izango du.

Uztailaren 3tik 13ra multikirola egiteko aukera izango dute 2008an edo lehenago jaiotakoek: arrauna, battlefield, slackline eta irteerak egingo dituzte, besteak bestek, multikirolean izena ematen dutenek. Printzipioz 10:00etatik 13:00etara burutuko da, baina jardueraren arabera alda liteke ordutegi hori. Multikiroleko matrikulak 45 euroko kostua du; antolakuntzatik zehaztu dute jarduera jakin batzuk egiteko trena hartuko dutela eta treneko txartelaren salneurria ez dela 45 euro horietan sartzen.

Azkenik, piraguismoa praktikatu nahi dutenek uztailaren 17tik 21era izango dute aukera, goizetan, sortzen den taldearen arabera zehaztuko den ordutegian. Izen-emateak 25 euroko kostua du eta jarduera hau ere 2008an edo lehenago jaiotako gaztetxoei zuzenduta dago.

Jarduera horietan guztietan izena emateko epea etzi, astelehenean zabalduko da eta hilaren 26ra arte egongo da zabalik kultur etxean. Plazak mugatuak dira eta izen-emate hurrenkeraren arabera banatuko dira. Informazio gehiago nahi duenak kultur etxera jo dezake.

Recibe nuestras newsletters en tu email

Apúntate