Diario Vasco

Segurako bolariek emaitza bikainak lortu dituzte

Herriko Txoritegi taldeko bolariek emaitza bikainekin amaitu dute Gipuzkoako lehiaketa ofizialen denboraldia. Euskadiko Txapelketa geratzen zaie, ekainean Gabirian jokatuko dena, eta hor ere ez da faltako herriko bolaririk. Gipuzkoa, Bizkaia eta Arabakoak, probintzia bakoitzetik 15 bolarik parte hartuko dute lehiaketan eta, Gipuzkoaren kasuan, 5 Segurakoak izango dira.

Gipuzkoako Taldekako Txapelketa irabaziaz eman zioten hasiera denboraldiari eta hurrengo lehiaketetan ere joko maila altua azaldu dute. Binakako Txapelketan bigarren sailkatu ziren Joakin eta Antonio eta hirugarren Martzelino eta Jokin. Goierriko Txapelketan garaipena Xepeiño Agirrek lortu zuen. Gipuzkoako lehiaketa guztietan bolari bakoitzak lortutako emaitzekin Erregularitate Txapelketa erabaki-tzen da eta sari hori ere Xepeiñok irabazi du. Bigarren Martzelino geratu da, hirugarren Antonio eta bosgarren Jokin.

Ikastolaren jaia bihar

San Joan Ikastola sortu zeneko 50. urteurrena betetzen da aurten. Data oroitzeko asmoz, bihar larunbatean, jai eguna antolatu da. Sanjoanetako pregoia ere ikastolaren sortzaile, irakasle eta ikasleek egingo dute aurten. Urteurren honen harira, liburuxka bat ere argitaratu zen duela bi urte, 'Segurako San Joan ikastolaren sorrera' izenburuduna. Bertan ikastolaren sorrerako lehen hazi eta urratsak, zalantza eta beldurrak eta juntakide, guraso, irakasle eta ikasleen testigantzak jaso ziren, 32 orrialdeko liburuxkan.

Biharko festatxoan ikastolaren sortzaile, laguntzaile, irakasle eta ikasleak bildu nahi dira.

Recibe nuestras newsletters en tu email

Apúntate