Secciones
Servicios
Destacamos
NÚÑEZ
Sábado, 29 de abril 2017, 00:16
Necesitas ser suscriptor para acceder a esta funcionalidad.
Compartir
Tolosaldea Sahararekin elkarteak aurreko urteetan bezala 'Maiatza borrokan' ekitaldi sorta antolatu du datorren maiatzaren 10a eta 20a bitartean. Helburua Saharar errefuxiatu kanpamentuetako egoera ezagutzera ematea da eta udan haurrak ekartzeko finantzaketa lortzea. Izan ere, aurten aurreko urteetan baino haur gehiago ekarri nahi dituzte, Saharan egiten ari den beroa eta lehorteak direla-eta bizi duten egoeratik ateratzeko. Atzo arratsaldean egin zuten aurkezpena Anoetako Udal liburutegian, bertan ikusgai dagoen AmaSahara argazki-erakusketaren inguruan.
Zortzigarren urtez antolatu dute 'Maiatza borrokan' ekimena, beti egun berdinetan egiten direnak. Eli Eizagirre Tolosaldea Sahararekin elkarteko ordezkariak adierazi zuenez datak nahita aukeratu dira, «maiatzaren 10ean sortu baitzen Fronte Polisarioa eta 20an hasi zuten euren borroka».
Hamar egunetan Tolosan, Amasa-Villabonan zein Anoetan ekitaldi ugari antolatu dituzte. Hilaren 10ean Amasa-Villabonan jaima bat jarriko dute, 17:00etatik 19:00etara, eta ekimenaren berri emateaz gain tea edateko zein musika entzuteko eta beren kultura ezagutzeko aukera egongo da, eta Saharako bitxiak eta materiala ere salgai egongo da, beste ekintzen artean. Hamabian, Anoetako plazan egongo da jaima, ordu berean, eta Saharar herriaren inguruko dokumentala ikusi ahal izango da. Tolosan, maiatzaren 15ean jarriko da jaima Triangulo plazan. Gaineran, 'Palabras de caramelo', haurra zela Oporrak bakean ekimenean parte hartu zuen gazte baten inguruko dokumentala, eta Saharako maratoian egindako dokumentalaren emanaldiak izango dira.
Maiatzaren 17an, Tolosako Bidaiarien Txokoan hitzaldia antolatuko da Saharar aktibista baten parte hartzearekin, eta hurrengo egunetan, 18an eta 19an, 'erresistentzia jaima' Triangulo plazan izango da Saharako egoeraren berri emateko eta 20an, 'Maroko Saharatik kanpo' izenburupean kontzentrazioa egingo da.
Maiatzaren 21ean egingo da aurtengo ekitaldi bereziena, 'Bueltaka' izenekoa. Goiz guztian, 10:00etatik 14:00etara, Berazubiko atletismo pistan bueltak emateko aukera egongo da, itzuli bakoitzarengatik euro bat ordainduta. Bertan parte hartzeko bi modu egongo dira: lehenengo bi kaleak Tolosaldeko denda, taberna zein komertzioek emandako diru-laguntzekin osatuko da. Bertan Saharako maratoian parte hartutako elkarteko kideak bueltaka arituko dira, jasotako euro bakoitzeko itzuli bat emanez. Gainera, nahi duten herritarrek ere euro baten truke itzuli bana eman ahal izango dute. Lortutako dirua haur sahararrak Maiatzak 20 elkarteak urtero Amasan egiten duen aterpetxera ekartzeko bideratuko da.
Publicidad
Publicidad
Te puede interesar
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.