Ikasleek akelarrea egin zuten inauteri bezperan

Ohitura den bezala Altzoko Imaz Bertsolaria eskolako ikasleek Inauteri jaialdia eskaini zuten Ostegun Gizenaren bezperan. Akelarrea izan zen aurtengoan aukeratutako gaia eta euskal mitologiako hainbat pertsonaia ikusi ahal izan ziren herrian zehar kalejiran: sorginak, lamiak, Tartalo, Basajaun, artzainak, Mari, galtzagorriak, eta abar. Guztiak elkarrekin atera ziren bazkalondoren eskolatik eta kalejira egin zuten plazaraino. Bertan dantza bat eskaini zuten guraso eta herritarren aurrean eskolara bueltatu aurretik.