Diario Vasco
Lizartzako mozorro batzuk.
Lizartzako mozorro batzuk. / E.B.

Mozorro festa eta kalejira egingo dute Eskolako ikasleek

  • Bihar, berriz, goizeko 7:00etan elkartuko dira plazan eta kalejira egingo dute Uetako zubitik dantzariek, txantxoek eta txistulariek diana abestuz

Asteburu honetan ospatuko dira Lizartzan inauteriak eta eskolak ere parte hartuko du egitarauan. Gaur 14:45ean mozorro festa egingo dute ikasle eta irakasleek. Lehenengo kalejira egingo dute herritik eta ondoren plazan emanaldia eskainiko dute. Amaitzeko berriro kalejira egingo dute bertara-tzen diren guztiekin batera.

Bihar, berriz, goizeko 7:00etan elkartuko dira plazan eta kalejira egingo dute Uetako zubitik dantzariek, txantxoek eta txistulariek, Diana abestuz hasiera emanez inauteriari. Ondoren, dantzariak eta txantxoak ospeletik puske-biltzea egingo dute.

Eguerdian herritarren txanda izango da, mozorro, gurdi eta txarangen irteerarekin Errota ataritik. 13:30ean ihauteriko partaide guztiak Arrateko zubitik irtengo dira kalejiran eta bazkaria izango dute frontoian.

Arratsaldean, gurdi eta mozorroak Joxe Mariko aparkalekuan elkartuko dira kalejiran plazara joateko. Bertan sagardotegi ezberdinetako sagardoak dastatzeko eta Lizartzako talogileek egindako taloak jateko aukera egongo da.

Recibe nuestras newsletters en tu email

Apúntate