Diario Vasco

Hizki-Marrazki ipuin lehiaketaren XII. edizioan parte hartzeko epea ireki da

Hamabigarren urtez Anoetako Udaleko euskara batzordeak eta Herri Ikastolak Hizki-Marrazki ipuin marraztuen lehiaketa antolatu dute herriko haur eta gazteentzako. Lehen hezkuntzako hirugarren mailatik Derrigorrezko Bigarren Hezkuntzako laugarren mailara bitarteko ikasleek parte hartu ahal izango dute, beraiek sortutako ipuinekin.

Lanak banaka zein binaka egin ahal izango dira eta marrazki eta testuak pisu bera izan beharko dute. Ipuinak lau mailatan banatuko dira: A mailan LH 3. eta 4. mailakoak, B mailan LH 5. eta 6. mailakoak, C mailan DBH 1 eta 2koak eta D mailan DBH 3 eta 4koak.

Lehen bi kategoriatakoek gehienez ere bi orrialdeko lanak aurkeztu beharko dituzte marrazkiak barne, bi marrazkirekin, eta helduenek gehienez lau orrialdekoa, bi marrazkirekin gutxienez, DIN A5 tamainakoak. Irudien tamaina errespeta-tzen ez duten lanak baztertu egingo dira.

Testuak ordenagailuz idatzita aurkeztu beharko dira, A mailan ezik, eskuz idatzitakoak izan beharko direnean. Ordenagailuz idatzitakoetan gutxienez 12 puntuko letra tamaina izango dute. Marrazkiak eskuz eginak eta testuan txertatuak jarriko dira. Ikastolako ikasleek Ikastolan bertan aurkeztu beharko dituzte lanak, goiko aldean ipuinaren izenburua eta egilearen goitizena jarrita. Ikastolako ikasle ez direnek udaletxean edo liburutegian aurkeztu ahal izango dituzte, gutun-azal batean sartuta eta kanpoan 'Hizki-Marrazki Ipuin Lehiaketa 2017', egilearen goitizena eta kategoria. Barruan, bigarren gutun-azal batean sartuko dira egilearen datuak, izen-abizenak, helbidea eta telefonoa. Ohikoa den bezala epaimahai aditu batek irakurriko ditu lan guztiak eta aukeratuko dituzte sarituak. A eta B mailetakoek Kuku-Loren edo Iraolan erosteko txartelak jasoko dituzte, eta C eta D mailetakoek diru-saria. Gainera, saritutako lan guztiak liburuxka batean argitaratuko dira.

Alkartasuna Biltokiko kuotak

Alkartasuna Biltokiko ordezkariek jakinarazten diete elkarteko kide guztiei aurtengo kuota ordaintzeko epea ireki dela. Aurtengo kuota 12 eurokoa izango da. Bazkide izan nahi dutenek datorren apirilaren 30era bitartean dute kuota ordaintzeko epea. Ordainketa egunero egin ahal izango da, astelehenetik ostiralera, 18:00etatik 20:00etara. Ordainketa egiterakoan bazkideek txartela eraman beharko dute zigilua jar-tzeko.

Facturas de agua

Gipuzkoako Urak informa a sus abonados de Anoeta, que tras las lecturas realizadas a principios de año se han emitido las facturas de agua, basura, saneamiento y plan de financiación correspondientes al último trimestre de 2016. En caso de tener alguna duda o reclamación sobre lo que se indica, pueden ir a cualquiera de sus oficinas o llamar al 943.31.86.02, o en www.gipuzkoakour.eus. El plazo de pago voluntario finaliza el 2 de marzo.

Recibe nuestras newsletters en tu email

Apúntate