Diario Vasco

Futbol taldeak garaipena lortu zuen Oiartzunen aurka

Neurketa oso ona jokatu zuen futbol taldeak igandean.
Neurketa oso ona jokatu zuen futbol taldeak igandean. / A. E.
  • Lehenengo Erregional mailako futbol taldeak 2-1 irabazi zuen Unai eta Andoniren golei esker

Lehenengo Erregional mailako futbol taldeak 2-1 irabazi zuen Oiartzunen aurka. Denboraldian oraindik partidarik galdu gabe, lidergoa zuela azaldu zen Oiartzun igandean Alustizako berdegunean.

Neurketa oso zaila aurreikusten zen Segurako taldearentzat, baina garaipena lortu zuten partida bikaina eginda.

Joko bikaina

Nagusitasun osoa azaldu zuten etxekoek, lehen zatian batik bat, gol aukera ugari sortuaz. Lehen 45 minutuetan partida erabakita uzteko jokoa azaldu zuten, baina gol bakarraren aldearekin joan ziren atsedenaldira. Unaiek sartu zuen gola, Aimarren jokaldi bat errematatuaz.

Bigarren zatian Oiartzun berdinketaren bila zelairatu zen, baina aukerak gehiago izan ziren Segurakoenak aldea handitzeko. Horrela, 75. minutuan, Andonik sartu zuen bigarren gola, area kanpotik ezkerrez.

Hiru puntu garrantzitsu poltsikoan zituzten jada etxekoek eta, azken minutuan Oiartzunek aldea murriztea lortu bazuen ere, ez zen denborarik egon gehiagorako.

Recibe nuestras newsletters en tu email

Apúntate