Asteasu-Zizurkil eta Amasa-Villabonako taldeen hitzordua hilaren 17an

Hilabete honetan bi bertso ekitaldi izango dira Asteasu eta Amasa-Villabonan, hilaren 17an, Gipuzkoako Herriarteko Bertsolari Txapelketaren lehenengo fasean. Asteasun, 'Karidadeko benta' (Zizurkil-Asteasu) eta 'Ran rober ran' (Zarautz) parte hartuko dute bertso saioan.

Emanaldiak bertso afari formatua izango du eta 21:00ak aldean abiatuko dute bertso afaria, Iturriondo jatetxean. Sarrerak salgai daude Iriarte (Zizurkil) eta Iturriondon (Asteasu), 20 euro truke. Zizurkil-Asteasutik, Haritz Mujika, Unai Mendizabal eta Joseba Otaegi, arituko dira eta Zarauztik, Felix Zubia, Nahikari Gabilondo eta Iñigo Mantzizidor 'Mantxi'. Igotz Alkorta eta Ion Zaldua izango dira gai-jartzaileak.