Diario Vasco

Gibel jatearekin hasiko dira gaur Lizartzako inauteriak

Gaur emango zaie hasiera Otsolar dantza taldeak antolatzen dituen Lizartzako inauteriei. Eguerdian ohitura den bezala gibela dastatuz hasiko dira jaiak, ihauterietako udal ordezkariak eta txekorra plazan direla. Ondoren, antzerkia eta Otsolar taldearen dantza emanaldia izango dira. Iluntzeko 19:00etan, berriz, kantu poteoa egingo da herriko ihauteri kantuak abestuz.

Bestalde, antolatzaileek jakinarazten dute urtero bezala 17 urtetik beherakoek mozorrotuen saria jasotzeko herriko tabernetan izena eman beharko dutela. Baserriko oilaskoak dira saria. Ihauterien ondoren emango den afarian parte hartu nahi duten helduek ere izena eman beharko dute. Izena emateko epea hilaren 16an amaituko da bi kasuetan. Aurten ere, balkoirik politenarentzako, dotoreenarentzako edo berezienarentzako saria prestatu dute Otsolarreko kideek. Irabazleak Donostiako 'La Perla' talasoterapia zentroan bi pertsonentzako zirkuitua jasoko du. Gainera, igandean, hilaren 19an, herri bazkaria izango da pilotalekuan. Bazkarirako txartelak salgai daude jada. Helduentzako prezioa 20 eurokoa izango da eta 14 urtera arteko haurrena 12 euro.

Recibe nuestras newsletters en tu email

Apúntate