Diario Vasco

Sagarrondoei buruzko ikastaroa egingo dute hilaren 21 eta 22an

  • Ramon Aseginolazak eta Gabino Muruak eskainiko dute

Otsailaren 21 eta 22an sagarrondoei buruzko oinarrizko ikastaroa eskainiko dute Ramon Aseginolazak eta Gabino Muruak. Erbie Elkarteak antolaturiko ikastaro honek bi zati izango ditu.

Alderdi teorikoa

Batetik, otsailaren 21, asteartea, Gabiriako Erbie Elkartean bertan alderdi teorikoa landuko da Gabino Muruarekin. Arratsaldeko 15:00ak aldera hasi eta lau ordu inguru iraungo duen zati honetan besteak beste sagar txertagai edo patroi ohikoenak (frankoa, MM9, M106...), urtean zeharreko tratamenduak, ongarriak, inausketa eta txertaketa arloak landuko dira.

Praktika

Bestetik, otsailaren 22an, asteazkena, arratsaldeko 15:00etatik ilundu arte Ramon Aseginolazarekin zati praktikoa egingo da Idiazabalen. Hala ere zati hau egun horretan egitea eguraldiaren menpe egongo da, ona ez bada ona izan arte atzeratuko bait da.

Sagarrondoei buruzko ikastaro honetan parte hartu nahi duenak 679.97.23.72 telefono zenbakira deitu beharko du aldez aurretik izena emateko.

Recibe nuestras newsletters en tu email

Apúntate