Diario Vasco

Furgoneta berria dute jada Saiaz Mankomunitateko erabiltzaileek

Eguneko zentroko erabiltzaileak, langile eta udal ordezkariekin.
Eguneko zentroko erabiltzaileak, langile eta udal ordezkariekin.

Hamaika urteren ondoren Saiaz Mankomunitateko furgonetari aldatzeko unea iritsi zitzaion. Atzo aurkeztu zuten eguneko zentroko erabiltzaileen-tzako furgoneta berria Elena Rikondo mankomunitateko Gizarte zerbitzuetako arduraduna, eguneko zentroko langileek eta erabiltzaileek. Bertan izan ziren ere Severo Agirretxe Errezilgo alkatea, Bidania-Goiatzko Joxe Erramun Goikoetxea alkatea eta Agurtzane Zelaia zinegotzia, Maria Isabel Matxinandiarena Albizturko zinegotzia eta Nekane Otaño Beizamako alkatea, mankomunitatea osatzen duten lau herrietako ordezkariak eta erabiltzaileen beharrak ikusirik furgoneta erosteko apustua egin dutenak.

Eguneko zentroko erabiltzaileak oso gustura daude garraio berriarekin. «Ederra da, oso ondo goaz», zioten atzoko aurkezpenean. Milagros Larrartek, berriz, abesten, normalean egin ohi duen bezala, eman zituen eskerrak: «Eskerrik asko Jauna, bihotz bihotzetik, eskerrik asko Jauna, orain eta beti».

Furgoneta berriak bederatzi pertsonentzako tokia du, aurrekoak baino bi gehiago eta bi gurpildun-aulki sartzeko aukera ematen du, «beste bi gehiago jartzeko aukera ere badugu», azaldu zuen Izaskun Iraola gidariak. Gurpildun-aulkiak atzeko aldetik sartzen dira malda automatiko baten bidez. Barruan ere toki gehiago dute, altuagoa da eta ia zutik ibili daitezke.

Recibe nuestras newsletters en tu email

Apúntate