Diario Vasco

Mutilen lehen taldeak Herreran lehiatuko du Kopako partida

  • Lehen mailako jubenilek igoera faseko bigarren partida izango dute Irungo Landetxaren aurka

Igoera fasea jokatzeko aukerarik gabe gelditu ondoren, lehen mailako Regionaleko mutilek Kopa lehiatuko dute datozen asteetan eta lehen partida bihar izango da Herreran, 17:30ean, Asoleus talde donostiarraren aurka. Lehen mailako jubenilek, berriz, igoera faseko bigarren partida izango dute oraingoan, pasa den astean Antigua Luberriren aurka nagusitu ondoren. Irungo Landetxa izango dute aurkari igandean, 16:00etan, Ugalde-Ventas futbol zelaian.

Ohorezko kadeteak ere etxetik urrun jokatu du aste honetan, Orioko Mendibeltzen izango da igandean, 15:30ean, eta baita infantil txikiak ere, Behobia taldea izango duelarik honek aurkari Irungo Artian bihar, 12:00etan.

Aste honetan, lehen mailako kadete eta ohorezko infantil taldeak ikusteko aukera izango da Arizti Haundin. Bihar, infantilek Tolosako taldea izango dute aurkari lehenengo, 10:15ean, eta kadeteek Zestoaren aurkako kopako partida lehiatuko dute ondoren, 12:00etan, zelai lazkaotarrean.

Futbol eskolako taldeei dagokienean mutil benjaminek Ariztin jokatuko dute igandean 10:00etan, Tolosaren aurka; alebinek beasaindarrak izango dituzte aurkari Billabonan, igandeko 12:00etan; Goierri Gorri 'A' taldeko neska alebinek Usabalen izango dute Tolosaren aurkako partida igandean, 10:45ean; eta maila berdineko Goierri Gorri 'B'koek Seguran, 9:15ean, Aizkorriren aurkakoa.

Recibe nuestras newsletters en tu email

Apúntate