Diario Vasco

Anoeta Kirol taldeak eskiatzera irteera antolatu du otsailerako

Datorren otsailaren 11 eta 12rako eskiatzera joateko irteera antolatu du Anoetako Kirol taldeak. Canfranceko Pepito Grillo aterpetxean ostatu hartuko dute eta eski alpinoa, Astunen, edo mendiko eskia, Sonporten, egiteko aukera izango dute. Irteeran parte hartu nahi dutenek kirol taldearen kontu korrontean (0138.0016.0010742544) 20 euroko diru-sarrera egin beharko dute norbere izen-abizenak jarriz, urtarrilaren 31a baino lehen.

Mus txapelketa

Gaur gauean Euskal Herriko mus txapelketako lehen kanporaketa partidak izango dira Anoetan. Arkupe tabernan jokatuko dira 22:00etatik aurrera. Irabazleak hurrengo sailkapen fasera pasako dira.

Erakusketa

Hilabete bukaerara arte errefuxiatuen inguruko erakusketa egongo da ikusgai liburutegian. Astelehenetik ostiralera arratsaldeko dago irekita liburutegia, 16:00etatik 19:30era, eta astelehenetan eta asteazkenetan baita goizez ere, 11:00etatik 13:30era.

Bestalde, gaiarekin lotuta, Sos Arrazakeria elkarteko Agustin Unzurrunagak hitzaldia eta proiekzioa eskainiko du datorren astelehenean, urtarrilaren 16an, 19:00etan liburutegian bertan.

Era berean, Udalak jakinarazten du hilabete honetan ez dela KZguneko tutorea Anoetara etorriko.

Recibe nuestras newsletters en tu email

Apúntate