Diario Vasco

Alkizako Eskolak eraikin berria izango du datorren ikasturtean

  • «Guraso, irakasle eta udalaren artean lortu dugu», adierazi du Udalak

Datorren ikasturtean eskola berria izango dute Alkizako eskolako ikasleek. Hamar urteko eskaeraren eta lanaren ondoren urte amaieran jaso zen Eusko Jaurlaritzako Hezkuntza Sailaren erabaki ofiziala, 2017-2018 ikasturtean eraikin berria egingo dela jakinarazten duena. «Guraso, irakasle eta udalaren artean lortu dugu», adierazi du Udalak, azpimarratuz, «herri osoa zoriondu nahi dugu lorpen honengatik. Bereziki beraien irmotasun eta kemenagatik».

Egungo eraikinaren toki berean eraikiko da eskola berria eta edukiera handiagoa izango du, gaur egungo ikasleen beharretara egokitua. Udalaren esanetan, «datozen hilabeteetan proiektua idatziko dute eta behin onartuta, lehiaketa prozesua jarriko da martxan eraikun-tza lanak esleitzeko». Aurreikuspenen arabera, urte amaieran hasiko dira eraikuntza lanak.

Eskola toki berean eraikitzean datozen ikasturtean ikasleen geletan behin-behineko egokitzapenak egin behar izatea ekarriko du. «Eskola umeek kurtso hori ahal den eta modu egokienean igaro dezaten eta herritarroi eragozpen gutxien sortu diezagun lortu behar baita. Horretarako guztion laguntza eta babesa izango dugulakoan gaude, kurtso hori ahal den eta parentesi leunena bihur dezagun», adierazi du Udalak.

Piztu itxaropena kanpaina

Alkizako Udalak «Piztu Itxaropena» kanpaina jarri du martxan Saharar errefuxiatu kanpamentuetara elikagaiak eramateko. Aurten lekaleak, hegaluzea, sardinak oliotan, arroza, pasta, olioa, pixoihalak eta azukrea dira bilduko diren produktuak. Era berean, eskolako materiala ere eskaini ahal izango da, hala nola, koadernoak, arka-tzak, ezeztekoak, txorroskiloak, eta abar.

Kanpainan parte hartu nahi dutenek udaletxean utzi beharko dute materiala hilabete amaiera baino lehen.

Temas

Recibe nuestras newsletters en tu email

Apúntate