Diario Vasco

'Mugaminak' filmaren emanaldia ostiralean

Amets Arzallus Gabirian izango da ostiralean.
Amets Arzallus Gabirian izango da ostiralean. / ARIZMENDI

Ostiralean, urtarrilak 13, arratsaldeko 18:00etan Gabiriako kultur etxean 'Mugaminak' filmaren emanaldia egongo da, bertako narratzaile eta protagonista, Amets Arzallus, bertan izango delarik.

Xuban Intxaustik zuzenduriko film honen estreinaldia 2016ko irailaren 16an izan zen Donostiako Zinemaldiaren barnean. Filma Amets Arzallusek Europa Transit, hiriburutasunaren enbajada ibiltaria-rekin, Ziprera eginiko bidaiaren kontakizuna da.

Zipren ere bat-bateko kanturako ohiturari eusten diote, eta elkarrekin saio bat egiteko eta bertako egoera sozio-politikoa ezagutzeko helburuarekin batu zen ArzallusEuropa Transit-koengana 2016ko uztailean.

Bidaia duela 50 urte inguru egon ziren gatazken ondorioak ikusteko egin zen. Adibidez, beste ondorio batzuen artean, 1974an egin zen eta irla bi komunitatetan banatzen duen harresiak zutik dirau. Amets Arzallusek, bertako musikari eta poetekin kontaktua izaten du, hauen eskutik egoera ezagutu eta aztertuz, oraindik sendatzetik urrun dauden zauriak ikusten ditu, eta jakina ezin bestean Euskal Herrian dagoen egoerarekin konparatzen du.

Amets Arzallusen ikuspuntutik Europako mugen ondorioak aztertzen dituen film hau ikusteko aukera pare gabea dago ostiral arratsaldean Gabirian ostean pentsatzeko zerbait izateko ere.

Recibe nuestras newsletters en tu email

Apúntate