Maila handiko txapelketa jokatu zuen Gaelek

Gabonetako Torneoa antolatu zuen Gael Elkarteak aurten ere, herri txikietako areto futbol taldeekin. Gipuzkoako eta beste herrialdetako taldeek parte hartu zuten Beteluko frontoian. Alebin, infantil eta kadete mailetan, guztira hamabost talde bost mailatan banatuta: Gael, Andorrako selekzioa, Aurrera Leitza, Rioja Team, Xota, Alipendi eta Anoeta. Alebin mailan, Gaelekoak, etxekoak, izan ziren garaile partiden amaieran, bi partida irabazi ondoren. Bigarren izan zen Andorrako selekzioa eta hirugarren Aurrera Leitza. Infantil A mailan, zuri-marroiek irabazi zuten, Andorrako selekzioa bigarren eta Irur-tzungo Xotakoak hirugarren; eta infantil B mailan, Rioja Team-ekoek irabazi zuten, Aurrera Leitzaren eta Gaelekoen gainetik gailenduz.