Diario Vasco

Berastegiko hiru taldek Shanti torneoan

Beastiko Tigreak taldeko kideak entrenatzailearekin.
Beastiko Tigreak taldeko kideak entrenatzailearekin. / LABAIEN

Hiru taldek ordezkatu dute Berastegiko eskola XXXV. Shanti torneoan, alebin mailako Tigre Txikiak eta benjamin mailako Berastegi City mutilen taldeek eta nesken benjamin mailako Beastiko Tigreak taldeak. Denek ere, lan polita egin dutela esan daiteke torneoan zehar, hala ere emaitzei dagokienez, nesken taldea izan da gehien nabarmendu dena.Beraiena da finaleraino iritxi den taldea, horrela igandean, Neska Alaiak taldearen aurka aritzea egokitu zitzaien berastegiarrei eta torneo osoan egin duten moduan emaitzak beren alde izan zituzten.

Dominak lortuta poz handiarekin itzuli ziren gaztetxoak.

Irteera Gaztañondotik

Aurtengo lehen irteera otsailaren 4ean egingo dute Gaztañondokoek. Eula sagardotegira joango dira egun horretan. Bazkideek 32 euro ordaindu beharko dituzte eta gainontzekoak berriz 35. Ahal bezain azkar izena ematea eskatzen zaie interesa dutenei, betiko moduan arduradunekin harremanetan jarriaz.

Eskulanak eta yoga

Gaztañondo Elkartetik urte hasieran egin ohi dute ikastaroen eskaintza. Aurtengoan, eskulanak eta yoga eskaintzen dituzte, Yoga betiko moduan izango da eta eskulanak aldiz, aldaketa txikiren bat izango dute, Mare tailako irakasleak emango ditu eta altzarien zahar-berritzea, pintura eta abar erakutsiko ditu. Izena emateko Marisa edo Migelekin harremanetan jartzea eskatzen da.

Temas

Recibe nuestras newsletters en tu email

Apúntate