Diario Vasco

'Energia Astea' egingo da Berastegin

Azken urtean Tolosaldeko Udalek eskualdeko energia plana diseinatu dute. Planaren helburua, Tolosaldeako herriek energia eraginkortasunean sakondu eta energia berriztagarrietan oinarritutako eredu baterako trantsizioa bideratzea da. Testuinguru honetan eta energiaren inguruan herritarrak informatu eta sentsibilizatzeko helburuarekin, Berastegin energiaren astea ospatuko da urtarrilaren 10etik 13ra.

Horrela, urtarrilaren 10ean, asteartean 18:00etan udaletxean, energia elektrikoa kontratatzerakoan nola aurreztu argituko dute tailer honetan, eta bide batez, norberak ematen duen argindarraren faktura aintzat hartuta, aurrezteko aholkuak emango ditu teknikariak.

Urtarrilaren 12an, ostegunean, 18:00etan, etxean energia aurrezteko, etxetresna elektrikoen erabileran eta berogailuan energia aurrezteko aholkuak emango dira hitzaldi-tailer honetan.

Ostiralean, hilaren 13an, 17:00etan hasita, Energia Azoka burutuko da. Energia sortzeko (ur beroa, berokuntza, elektrizitatea) teknologia berriztagarrien erakusketa eta etxean energia aurrezteko teknologia eraginkorren erakusketa izango da, bertan teknologia hauek bertatik bertara ikusi eta arloko adituen aholku eta gomendioak jaso ahal izango dira.

Recibe nuestras newsletters en tu email

Apúntate