Diario Vasco

Hiru Erregeen magia Tolosaldea zabaldu zen

Berrobi. Suziriez lagunduta menditik jaitsi ziren Errege Magoak Berrobiko plazara. Zaldi gainean iritsi ziren eta plazako kioskoan geratu ziren.
Berrobi. Suziriez lagunduta menditik jaitsi ziren Errege Magoak Berrobiko plazara. Zaldi gainean iritsi ziren eta plazako kioskoan geratu ziren. / YARZA
  • Ilusio handiz itxaron zuten txikienek euren opariak jasotzeko gogoz

Meltxor, Gaspar eta Baltasar Erregeak Tolosaldean izan ziren. Opariz beteta ekarri zituzten zakuak aurtengoan ere.

Anoetara esaterako, Basagain menditik plazara iritsi ziren atzo arratsaldean. Txistulariek ireki zuten bidea eta gozokiak banatu zituzten bide guztian. Ondoren, haurrek beraiekin hitz egiteko aukera izan zuten, gutunak emanez eta azken orduko eskaerak eginez. Ordainetan, guztiek goxoki poltsa jaso zuten lehen opari bezala.

Iruraran, haurrek gogoz eta ilusioz beterik eman zieten ongietorria Iruran Errege magoei. Meltxor, Gaspar eta Baltasar zaldiz iritsi ziren Loatzo menditik behera. Herrigunean kalejira egin zuten eta ondoren plazan opariak banatu zizkieten haurrei.

Bidania-Goiatzera Meltxor, Gaspar eta Baltasar Errege Magoak iritsi ziren atzo iluntzean zaldi gainean. Goiatzko plazan egin zuten lehen geldialdia eta jarraian Bidaniko pilotalekuraino joan ziren herritarrekin batera.

Suziriez lagunduta menditik jaitsi ziren Errege Magoak Berrobiko plazara. Zaldi gainean iritsi ziren eta plazako kioskoan geratu ziren. Haur eta helduz bete zen plaza Meltxor, Gaspar eta Baltasarrei ongietorria emateko. Jaiotza biziduna agurtu ondoren, haurrek beraiekin hitz egiteko aukera izan zuten azken orduko eskaerak egiteko. Amaieran, pajeek opariak banatu zizkieten haurrei.

Lizartza ra menditik jaitsi ziren atzo iluntzean Lizartzara. Herriko musikariek eta dantzariek egin zieten ongietorria eta jaiotza biziduna agurtu zuten. Ondoren opariak banatu zituzten haurren artean.

Berastegin berriz, jaiotza biziduna egon zen herriko plazan eta bertara hurbildu ziren Errege Magoak umeen eskaerak entzuteko prest. Hotza egin arren, primeran pasa zuten haur eta gaztetxoek taloa egiten.

Recibe nuestras newsletters en tu email

Apúntate