Diario Vasco

Bertso-paperak eta bertso jarriak, euskararen egunean bihar Zizurkilen

Abenduaren 3an banatuko dira III. Pello Mari Otaño bertso-paper lehiaketako sariak, afalostean. Ebatzi dira III. Pello Mari Otaño bertso-paper lehiaketako sariak eta abenduaren 3an banatuko dira Zizurkilgo Plaza Etxeberri jatetxean. Harituz bertsozale taldeak urtero antolatzen duen Bertso jarrien gauarekin bat eginik, afalostean sorta irabazleak eta eskualdeko bertsolarien sortak abestuko dira musikaren laguntzaz.

Bertso-paper lehiaketa arrakastatsua izan da parte hartzeari begira: guztira 52 lan aurkeztu dira; horietatik 24 helduen mailan, 7 gazteen mailan eta 31 gaztetxoen mailan. Antolatzaileek parte hartzaile guztien lana txalotu nahi dute, sorta anitzak jaso direlako.

Horrela geratu dira sariak: Helduen maila: 1. Saria: Beti geratuko zaigu Paris (Amaia Agirre) eta 2. Saria: Enkarguz (Asier Azpiroz). Gazteen maila: 1. Saria: Itzalpean (Julene Iturbe) eta 2. Saria: Gazte garaiei begira (Ane Beloki). Gaztetxoen maila: 1. Saria: Lehenengo aldiz konfesatzera noa (Alex Agirre) eta 2. Saria: Zer moduz Pello Errota? (Oinatz Otegi). Sariak afalostean banatuko dira jatetxean bertan eta afaria irekia izango da parte hartu nahi duen edonorentzat. Sarrerak 20 eurotan eskura daitezke Zizurkil goiko Iriarte eta Plaza Etxeberri jatetxeetan edo enkarguz, harituz.bzt@gmail.com helbidera idatzita.

Recibe nuestras newsletters en tu email

Apúntate