Diario Vasco

Balentzategi eskolako ikasleen emanaldia bihar

  • Bertso, dantza, abesti eta antzerkia biltzen dituen ikuskizuna eskainiko dute Gabiriako Saloian, arratsaldeko bostetan

Bihar, abenduak 3, arratsaldeko 17:00etan Gabiriako Saloian herri eskolako haurrek bertso, dantza, abesti eta antzerkia biltzen dituen ikuskizuna eskainiko dute gerturatzen diren guztiek txalotu dezaten.

Aurtengoan, antzerkia ikasle eta irakasleen artean asmatua da, ziklo bakoitzeko ikasleek hiruhileko honetan landu dutenean oinarriturik. Haur hezkuntzakoek txakurra landu dute, lehen hezkuntzako 1,2 eta 3. mailakoek garraiobideak eta 4,5 eta 6koek Aizkorri-Aratz. Gainera, aretoaren sarreran ikasleek egindako proiektu eta lanak egongo dira erakusketa moduan.

Bihar bertara gerturatzen direnak ez dira emanaldia ikusiko duten lehenak izango. Gaur goizean beste eskola batzuen bisita jasoko duelako Balentzategik. Eskola horietako ikasleak izango dira lehen ikusleak.

Ikuskizuna euskararen normalkuntza planarekin loturik dago, Ulibarri programan sartuta, NOLEGAn, beraz abenduak 3, euskararen eguna, zoriz baldin bada ere, egun oso aproposa da emanaldia egiteko. Gabiria bezalako herrietan ere euskara bultzatu beharra dagoelako, eta ez egun horretan soilik, urte osoan euskaraz bizitzeko aukeraz goza dezagun.

Bestalde, garai batean kostuei aurre egiteko egiten zen moduan, aurten txartelak salduko dira gertura-tzen direnen artean, zorte dun batek zozketan ustekabeko sari bat irabaz dezan.

Eskola horretatik igaro garen guztiok dauzkagu gogoan antzerkia egiteak eragiten zuen poza eta urduritasuna. Aurreko asteetan lan ikaragarri egiten zen, dekorazioak marraztu, prestatu eta lortzen, karakterizazio egokiak asmatzen eta jakina ikuskizuna bera entseiatzen; eta gaur egun ezta gutxiago. Horrelako gauzak egiteko irakasle, ikasle eta gurasoen komunitate osoa sar-tzen da tartean eta ziur aurten ere ikustea merezi duen superprodukzio zoragarri bat egitea lortuko dutela.

Recibe nuestras newsletters en tu email

Apúntate