Diario Vasco
Herriko eskolako haurrak.
Herriko eskolako haurrak. / NÚÑEZ

Baserriko elkartasun azoka egingo dute eskolako kideek

  • Amalurra proiektuaren baitan antolatu dute larunbaterako eta lortzen den dirua Baltistan fundaziora bideratuko da

Euskararen egunarekin bat eginez eta ikasturte honetan duten Amalurra proiektuaren baitan, elkartasun azoka egingo dute Albizturko Eskolako ikasle, irakasle eta Guraso Elkarteko kideek. Hiruhileko honetan baratzea gaia izan dute ardatz eta horrekin eguraldia, bara-tzeko lanak, fruituak, elikadura, sukaldaritza, eta abar landu dituzte gelan.

Larunbat goizean plazan jarriko dituzte postuak eta bertan barazkiez gain familiek eta herritarrek emandako hainbat produktu izango dituzte salgai. Eskolan landutako produktuak ere izango dira, besteak beste, kalabazak, ontziratutako piparrak eta menbriloa.

Lortzen den dirua Baltistan fundazioarentzat izango da, garapenerako gobernuz kanpoko erakundea, Felix Iñurrategiren omenez sortu zena. Baltistan lurralde menditsua da, K2ren hegoaldean. Fundazioak Hushe haraneko komunitatean lan egiten du, bertako hezkuntza indartuz, kalitatea hobetuz eta ikasleen arteko berdintasuna bermatuz, besteak beste.

Gainera, apustua egiteko aukera egongo da, babarrun ontzi batean dauden ale kopurua asmatzeko, 0,50 euroren truke. Irabazleak herritar batek emandako babarrun kilo bat eramango du etxera. Ogia egiteko tailerra ere egongo da.

Albizturko eskola 44 ikaslek eta 6 irakaslek osatzen dute. Hiruhileko bakoitzaren amaieran bakoitzean landu dutenaren inguruko azoka antolatzeko ideia dute. Bigarren hiruhilekoan artisautza izango da gaia eta ikasturte amaieran artea.

Temas

Recibe nuestras newsletters en tu email

Apúntate