Diario Vasco

Hizkuntza-ohiturei buruzko kafe-tertulia egingo da gaur, Pedro Mari Otaño ikastetxean

Euskararen Astearen harira, hizkuntza-ohiturei buruzko kafe-tertulia antolatu da Zizurkilen, gaur, Pedro Mari Otaño ikastetxean, arratsaldeko 16:30ean. Guraso euskaldunek sarri izan ohi dute gaztelaniaz egiteko joera, dela lagunarte euskaldunean hizketan dabiltzanean, dela euskaraz ondo moldatzen ez den norbait inguruan dagoela ikustean. Herriko hiru ikastetxeetako umeak konturatu dira horretaz, eta mezu argia bidali diete gurasoei, maiatzean grabatutako bideo batean. Gurasoei aukera emango zaie adierazteko ea beraien ustez ere joera hori den; hau da, euskaldunok gaztelaniarako ohitura dugun ala ez. Horretarako arrazoiak agerian utziko dira, eta, denon artean, saiakera berezia egingo da konponbideak bilatzeko. Kafe-tertulia dinamikoa eta parte-hartzailea izango da, eta herriko guraso euskaldun guztiak gonbidatuta daude bertan parte hartzera. Gainera, zaintza-zerbitzua egongo da seme-alabentzat. Bihar, osteguna 11:00. Lehen Hezkuntzako 1., 2. eta 3. mailakoentzat Fraisoro ipuin kontaketa Mediatekan. Arratsaldeko 15:10. Lehen Hezkuntzako ikasleek pintxo lehiaketa egingo dute ikasgeletan.

Recibe nuestras newsletters en tu email

Apúntate