Diario Vasco

Bizikidetza zine zikloa Udalean

Gaur bi ekitaldi daude antolatuak herrian. Batetik bizikidetzako zine zikloaren emanaldian 'Reconciliación' dokumentala ikusteko aukera dago Udaleko areto nagusian, 18:30ean hasita. Emanaldira Maixabel Lasa eottiko da, dokumentaleko protagonistetako bat. Lasak bere esperientzi pertsonala azalduko du, biktima eta biktimarioaren arteko elkarrizketa azaltzeko. Gogoratu aurrez aurre egon zela bere senarra Juan Maria Jauregui hil zuen komandoko bi ETAko kideekin.

Historio pertsonal guzti hauek Juan Maria Uriarte Donostiako Go-tzai emerituak eginiko elkarrizketetan oinarritzen dira. Kamarek bere jaioterrira, Fruizera laguntzen diote adiskidetzeari buruzko hausnarketa egiten duen bitartean, dokumental hau inspiratzen den liburuan agertzen direnak. Uriarte Gotzainak biktima ezberdinekin eduki duen erlazioen esperientzia azaltzen du. Euskal Elizari zuzenduriko autokritika ere egiten du eta bere lehengusua,Bermeoko Juan Jose Uriarte taxista, hil zuen ETAko kidea besarkatzen du elkarrizkateran amaieran.

Gaztaizale

Bestalde, gaur 19:00etan, Gaztaizale ekimenaren hitzordu berria, eta azkena, antolatu dute. Gazta gonbidatua: 'Aintzinako Euskal Gazta' da. Parte hartu nahi dutenek 6 euro ordaindu beharko dute. Ramon Lizeaga adituak 'Aintzinako Euskal Gazta' aurkeztuko du. Plazak mugatuak dira, interesa dutenek deitu edo idatzi dezatela 943.18.82.03 edo info@idiazabalturismo.com helbidera. Izen ematea ezinbestekoa da nahiz eta Gaztaizale txartela izan.

Recibe nuestras newsletters en tu email

Apúntate