Diario Vasco

'Putinen guardasola' elizan

Inaxio Tolosa eta Ramon Agirre ostiralean Larraulen.
Inaxio Tolosa eta Ramon Agirre ostiralean Larraulen. / NÚÑEZ

Kultur asteko ekitaldien baitan 'Putinen guardasola' an-tzezlana eskaini zuten ostiralean Ramon Agirre eta Inaxio Tolosa aktoreek elizan. Ikusle ugari gerturatu ziren antzerkia ikustera eta gustura egin zuten barre guztiek protagonisten ateraldiekin.

Gaur mendi ibilaldia

Gaur goizean mendi ibilaldia egingo da, PR-116 ibilbidea jarraituz. Taldea plazatik aterako da 11:30ean eta Ibeltz burdinola, Txuringandi errota, Sansonen harria, eta abar, ikusteko aukera izango da eta auzolanean eraikitako zubietatik pasako da.

Arratsaldean, berriz, 18:00etatik 20:00etara datorren urteko egutegirako argazkiak aukeratzeko erakusketa egingo da udaletxeko atarian, eta 'Biniloz euskal diskoak' erakusketa ikusteko aukera egongo da museoan, Dina7 taldeak antolatuta.

Aiztondo jostailu bilketa

Azken urteotan bezala, Aiztondoko Denbora Bankuak jostailu bilketa antolatu du bailarako herrietan, Gabonetarako behar duten familietan banatzeko helburuarekin. Larraulen haur eta gaztetxo ugari gerturatu ziren erabiltzen ez dituzten jostailu, arropa eta bestelako produktuekin udaletxera. Bihar, Alkizan izango da hitzordua, Don Juanena etxean. 9:00etatik 9:30era eta 16:00etatik 17:00etara eraman ahal izango dira jostailuak. Edozein zalantza argitzeko aiztondokodenborabankua@gmail.com helbidera mezua bidali daiteke edo 943.69.39.30 telefono zenbakira deitu.

Recibe nuestras newsletters en tu email

Apúntate