Diario Vasco

Mozorroen Eguna atzo, gaur odolkiena Ormaiztegin

fotogalería

Ederki pasa zuten atzokoan mozorraturik.

  • Gaur XXX. odolki osagaien azoka, XV. sukaldaritza lehiaketa eta odolki osagaien azoka eta lehiaketaren XIX. edizioa izango dira

Mozorro Eguna ospatu zen atzo herriko jai nagusien baitan, hau da, Ander Deuna zaindariaren omenez. Asko izan ziren mozorrotu ziren lagun taldeak eta beraiek alaitu zituzten herriko kaleak, jai giroan murgilduz. Jundajo eta Elektropatxaranga txarangek alaituriko giroa izan zen egun osoan zehar eguraldia lagunduta. Iluntzean Trakets taldeak alaituriko giroan dantzatzeko aukera izan zen herriko enparantzan.

Gaur, berriz, odolkiak hartuko du lekukoa herriko jai nagusien barnean. Ormaiztegiko odolki lehiaketaren XXX. edizioa ospatuko da. 8:30etik 10:00etara bitartean enparantzan aurkeztu beharko dira parte hartzaileak. Baita ere odolki osagaien azoka eta lehiaketaren XIX. edizioa eta odolkia osagaitzat duten XV. sukaldaritza lehiaketa ospatuko dira, 12:00etan aurkeztu behar dira platerak.

Omenaldiak

Lehiaketaz gain aurtengo edizioa berezia denez, bi pertsona gogora ekarriz merezimendu osoz omenaldia eskainiko zaie. Busca Isuriri bere jaiotzaren 100. urteurrenean, Ramon Roteta sukaldari ezagunaren partaidetza izango delarik, eta bestetik Ane Mujika gozogileari aurten ustekabez bat batean utzi gintuenetik herritarrok gogoan dugularik.

Recibe nuestras newsletters en tu email

Apúntate