Diario Vasco

Lapkeko pilotariak, Gipuzkoako txapelketan burubelarri

Lazkaoko Antzar Pilota Kirol Elkarteko kirolariak Gipuzkoa txapelketan murgilduta jarraitzen dute eta asteburu honetan ere hainbat partida jokatuko dituzte. Lazkaon gaur bertan izango dira, arratsaldeko 19:00etatik aurrera, plazako pilotalekuan eta kiroldegian.

Erauskin, Irribarria, Goiburu, M. Senar eta B. Zubizarreta pilotari alebinek plazako frontoian jokatuko dute eta B. Senar eta Galdos kadeteek, Loidi jubenilak eta nagusien mailako Olaragiak, aldiz, Joxemiel Barandiaran herriko Udal kiroldegian.

Partida gehiago

Txapelketa berdineko partidak jokatzen dituzte gaur ere Gipuzkoako herri askotan, adibidez, Azpeitia, Alegia, Andoain, Legazpi, Getaria, Lasarte-Oria, Zumarraga, Amezketa, Aginaga eta Arrasaten. Bertan Lapkeko ordezkariak izango dira; bihar ere Azkoitian eta Oiartzun eta Donostian (Añorga auzoan) igandean.

Baina Gipuzkoakoan aritzeaz gain, Lizarran (Nafarroa) ere jokatuko dute talde lazkaotarreko pilotariek asteburuan. Lau t'erdian lehiatuko dira Remontibalen B. Zubizarreta, gaur, eta Irribarria eta Goena, bihar.

Lehenak Lakuako Ruiz izango du aurkari, arratsaldeko 16:00etan, eta besteek Huarteko Urruzola eta Kataluniako Blanca, hurrenez hurren, 9:30etik aurrera.

Recibe nuestras newsletters en tu email

Apúntate