Diario Vasco

Aurtengo Ander Deunaren herriko jaietan bi erakusketa izango dira ikusgai

Aurtengo Ander Deunaren herriko jaietan bi erakusketa izango dira ikusgai. Batetik, Heliodoro Etxeberriak prestatutakoa eta Iriarte goena 29 zenbakiko beheko solairuan ikusgai jarriko duena. Azaroaren 26, 27 eta 30ean egongo da ikusgai. Euskal Herriko postal zahar eta modernoak, Birjinak eta atzerriko herriak, liburu gidak, Ormaiztegiko etxe zahar eta berriak, komikiak eta herriko jaietako egitarauak izango dira ikusgai. Erakusketaren ordutegia, 12:30etik 14:00etara eta 18:00etatik 20:00etara bitartekoa izango da. Erakusketa honen laguntzailea, Ormaiztegiko Udala da eta babeslea Kutxabank izango da.

Bestetik, Aurelio Arteta margolariaren 'Euskal Erromeria' obra ikusgai izango da abenduaren 4a arte Ormaiztegiko Zumalakarregi Museoan, aurtengo 'Ondarearen Europako Jardunaldien' egitasmoaren barruan. Antolatzailea Zumalakarregi Museoa da eta laguntzailea Ormaiztegiko Udala. Sarrera dohainik da. Asteazkenetik ostiralera, 10:00etatik 14:00etara bitarteko ordutegian egongo da ikusgai, asteburu eta jai egunetan berriz 10:00etatik 14:00etara eta 16:00etatik 19:00etara bitartean.

Adinekoen elkartea

Ander Deuna Zaindariaren herriko jaien egitarauaren baitan, adinekoen elkartean hainbat txapelketa antolatu eta burutuko dira. Gaur, 16:00etan punttu txapelketa. Bihar, toka, bote eta igel txapelketak jokatuko dira. Etzi osteguna eta aurtengo txapelketei amaiera emanez mus txapelketa jokatuko da, 8 erregetara.

Recibe nuestras newsletters en tu email

Apúntate