Diario Vasco
Kros mistoko lehenengo hiru bikoteak eta herriko lehenak.
Kros mistoko lehenengo hiru bikoteak eta herriko lehenak.

Giro ederrean burutu zen II. Kros mistoa Errezilen

Korrikalariz eta ikuslez bete zen igande goizean Errezilgo herri gunea Kros Mistoaren bigarren edizioan. Lehenengo haurrak izan ziren herriko kaleetan prestatu zen zirkuitua osatu zutenak eta jarraian bikote helduek bost kilometroko ibilbidea egin behar izan zuten. Aurten parte hartzaile gehiago animatu ziren eta berrogeita sei bikote atera ziren lasterketan.

Ikusleen animoen artean osatu zuten zirkuitua eta amaieran Javier Delgado eta Alejandra Arribas izan ziren irabazleak. Bigarren tokian Igor Etxeberria eta Uxoa Irigoien izan ziren eta hirugarrenak Lurdes Colomo eta Jose Luis Arrate. Herriko lehenak Xabier Korta eta Izaro Zinkunegi izan ziren.

Haurretan Haur Hezkuntzakoen mailan Aner Kortak eta Enara Ziarsolok irabazi zuten, Lehen Hezkuntzako lehen, bigarren eta hirugarren mailakoetan Enaitz Kortak eta Ainara Karrerak irabazi zuten eta laugarren, bosgarren, seigarren mailakoetan Ioritz Azkoitiak eta Nahikari Agirretxek.

Recibe nuestras newsletters en tu email

Apúntate