Diario Vasco

Aralar Intxurreko mutilek denboraldiko lehen garaipena lortu dute

  • Asteburuan infantilen eta gorengoen mailako taldeen partidak jokatuko dira Elorri futbol zelaian

Aralar Intxurreko infantilen mailako mutilek Danenari 2 eta 4 irabazita lortu dute denboraldiko lehenengo garaipena. Sailkapenean seigarren postuan dira hiru punturekin eta azkena den Beasainen aurka jokatuko dute etxean hurrengo neurketa, gora begira jarraitzeko asmoz. Pasa den asteburuko beste garaipena kadeteen mailako mutilek lortutakoa izan da: horiek ere eroso irabazi zioten 4 eta 1 Aizkorriri. Gauzak horrela, laugarren postuan jarri dira hamabi punturekin eta bigarrena den Urolari egingo diote bisita asteburuan.

Intxurreko gainontzeko taldeak punturik gabe geratu dira amaitu berri den futbol jardunaldian. Kadeteen mailako neskek 5 eta 1 galdu zuten Urnietan; hirugarren jarraitzen dute eta asteburuan atsedena izango dute. Jubenilak, Lazkaoren aurka 1 eta 2 galdu ostean, bosgarrenak dira sailkapenean hamabi punturekin eta zazpigarren dagoen Ordiziari egingo diote bisita hurrengo jardunaldian. Azkenik, gorengoen mailako taldeak 5 eta 1 galdu zuen Tolosan, eta burua altxa ezinik jarraitzen du Santos Irazustabarrenaren taldeak. Asteburuan Beasainen aurka etxean jokatuko duten partidan ea denboraldiko lehen garaipena lortzeko moduan diren.

Recibe nuestras newsletters en tu email

Apúntate