Diario Vasco

Haur estimulazio musikal goiztiarraren tailerra 0 eta 3 urteko haur eta familientzat

Tailerra datorren larunbatean izango da.
Tailerra datorren larunbatean izango da. / ARRATIBEL
  • Hilaren 26an, goizeko 11:00etan, Zizurkilgo Zubimusu Ikastolan. Saioa ordubetekoa izango da eta herritar guztientzat zabalik dago

Zubimusu Ikastolak antolatuta, haur estimulazio musikal goiztiarraren tailerra eskainiko da 0 eta 3 urte bitarteko haurrentzat eta haien familientzat. Tailerra azaroaren 26an, larunbatean, izango da goizeko 11:00etan Zizurkilgo Zubimusu Ikastolan. Proposamena irekia da eta interesa duen orok har dezake parte. Parte hartzea doakoa da. Musikhazi-Gipuzkoako Musikoterapia Elkarteak gidatuko du tailerra. Elkartearen esanetan, «musikarekin abestuz, jolastuz, instrumentuak joaz eta dantzatuz, haurraren garapena eta gurasoekiko lotura afektiboa indartzea bilatzen dugu».

Estimulazio musikal goiztiarra «diziplina anitzeko prozesu kognitiboentzat onuragarria» da eta tailerretan hainbat aspektu lantzen dira, hala nola, entzumenaren garapena, muskuluen kontrola eta garun erritmoa, kontzentrazio ahalmena, inteligentzia emozionala edota autokontrola. Plaza kopurua mugatua da. Interesatuek izena eman beharko dute Zubimusu ikastolako idazkaritzan bertara joanda edo 943.69.23.21 telefonora deituta.

Gaur, Ebelen 25. urteurrena

Emakume Baserritarren Elkarteak (EBEL) 25 urte beteko ditu aurten, eta, hori dela eta, jaia antolatu du gaur, Zizurkil Goian. Egitarau oparoa prestatu dute urteurren-festarako. Goizeko 10:00etan ekitaldia udaletxean egingo da. 11:00etan Astigarragako emakumeen giza proba erakustaldia. 12:00etan, Herri Kirolak. Ondoren, 13:30ean, sari banaketk eta 14:30, bazkaria.

Santa Xexilia, asteartean

Loatzo Musika Eskolako ikasleek kalejira alaia eskainiko dute Zizurkil Goiko kaleetan zehar, musikarien eguna ospatzeko, arratsaldeko 18:30ean. Ondoren, txokolatea banatuko da musikarien artean, eta instrumentuen kontzertua eskainiko dute Zimiterioan.

Recibe nuestras newsletters en tu email

Apúntate