Diario Vasco

Aizkardi elkartearen 33. Mendi Astea bihar hasiko da

  • Alberto Zerainen 'Dhaulagiri udaberrrian eta Manaslu udazkenenan' izango da ikusgai lehen egunean

Urtero legez, Aizkardi Mendi Elkarteak Mendi Astea antolatu du, hilaren 22tik 27ra. 33. edizio honetan ikus en-tzunezko guztiak 20:00etan eskainiko dira Gurea zine aretoan. Mendi Asteak irauten duen bitartean 9. argazki rallyko argazkiak ikusgai egongo dira Gurea antzokiko sarreran ere. Ikusleak gogokoenaren aldeko botoa emateko aukera ere izango du.

Mendi asteko egitaraua hau izango da aurten: asteartean, hilak 22an,'Dhaulagiri udaberrrian eta Manaslu udazkenenan', Alberto Zerain eskutik. Asteazkenean, 23an, '11 Iturri kayak munduko ur bizietan zehar', Fermín Pérez (Mino), eskutik. Ostegunean 24ean, Iñigo Lizarribar, Mikel Legarreta eta Ibon Zabalak Indian egindako 'Nuneko espedizioaren' berri emango dute.

Azken horretan gainera, IX. Argazki rallyko sariak banatuko dira Ostiralean 25ean, 'E, Petrel!', an-tzerkia, kultura sailak antolatuta, 21:00etan. Prezioa: 8 euro, Julio Villar eskutik.

Azkenik, hilaren 27an mendi ibilaldia eta bazkaria egingo dute. Nahi duen orok egin dezake ibilaldia, goizeko 8:30ean Olaederrara bertaratze hutsarekin.

Xexili Eguna

Loatzo Musika eskola eta Amasa-Villabonako Udalak antolatuta Xexili Eguna, musikarien festa, izango dute asteartean. Arratsaldeko 17:30ean, txistularien kalejira, Arroatik Erreboteko plazara. Trikitilarien kalejira Ulatik Errebote plazara eta dultzaineroen kalejira, Txerminetik Errebote plazara. 18:00etan, Erreboteko plazan bilduko dira musikari denak, eta kalejira bat egingo dute elkarrekin. Ondoren, txokolatea banatuko dute denentzat doan.

Recibe nuestras newsletters en tu email

Apúntate