Diario Vasco

EBEL elkarteak 25. urteurrena ospatuko du Zizurkil Goian, igandean

  • Goizeko 10etan hasiko da urteurren-festarako prestatu duten egitarau oparoa

Emakume Baserritarren Elkarteak (EBEL) 25 urte beteko ditu aurten, eta, hori dela eta, jaia antolatu du igande honetarako, Zizurkil Goian. Egitarau oparoa prestatu dute urteurren-festarako. 10:00etatik 11:00etara, ekitaldia egingo da udaletxean. 11:00etatik 12:00etara, Astigarragako emakumeen giza proba erakustaldia izango da. Eguerdiko 12:00etatik 13:30era, herri kirol erakustaldia iragarrita dago. Ondoren, 13:30ean, sari banaketak izango dira eta arratsaldeko 14:30ean, bazkaria. Ondo merezitako festa izango da, hainbeste lan egin duten emakume baserritarrei behar duten aitortza egiteko. Udalak «Zorionak eta urte askotarako Zizurkilgo Udalaren izenean EBEL elkarteari!» esan nahi diete.

Ipuinen unibertsoa familia

Bihar, goizeko, 11:00etan, izango da Ipuinen unibertsoa familian egitasmoko bigarren ipuin-kontaketa, Plazida Otaño liburutegian. Hilean behin antolatuko da, bailarako guraso-elkarte bateko kideen partaidetzaz, eta oraingo honetan San Millan ikastetxeko Urkamendi guraso elkarteak eskainiko du saioa. Ipuin marraztuak eskainiko dituzte, Izaro Lizarraga marrazkilariaren lagun-tzaz.

Bake epaitegi, berria

Hilaren 21etik aurrera, bake epaitegiko langileak Zizurkilen izango dira astelehenetan. Atxulondo kultur etxean izango dute bulego berria, lehenengo solairuan, gaur egun Udaltzaingoa dagoen tokian. Goizeko 10:00etatik 13:00etara bitartean eskainiko dute zerbitzua, astelehenetan. Aurrera plazako bulegoak itxi zirenetik, Villabonan eskaintzen zieten zerbitzua Zizurkilgo herritarrei, baina azaroaren 21etik aurrera, astelehenetan Zizurkilera etorriko dira.

Mejor vasco en el Tour

La sociedad local de Urkamendi homenajeará hoy al primer corredor vasco en el Tour de Francia. Este año, el homenajeado será el ciclista Mikel Nieve. La cita será a partir de las 21.00 horas en la sociedad.

Recibe nuestras newsletters en tu email

Apúntate