Diario Vasco

"Etorkizuneko herri txikiak" nazioarteko kongresua Zerainen

Herri txikien ekonomia garapenerako eredu berritzaileak aztertuko dira
Herri txikien ekonomia garapenerako eredu berritzaileak aztertuko dira
  • Komunitate bizitza, kultura eta landa garapena landuko dira

Azaroaren 17tik 19ra bitartean, gaur eta larunbata bitartean, Zeraingo herrian landa eremuko herri txikien garapenaz, ezaugarri bereziez eta etorkizunaz hausnartuko da. Topaketa Eusko Ikaskuntzak eta ZerainLab esperimentazio guneak antolatu dute, Gipuzkoako Foru Aldundiaren babesarekin.

Kongresuan, besteak beste, parte hartuko dute:

Hilaren 17an, Bittor Oroz Eusko Jaurlaritzako Nekazaritza, Arrantza eta Elikagaien Politikako sailburuordeak; Ainhoa Aizpuru Gipuzkoako Foru Aldundiko Ekonomia Sustapena, Landa Ingurunea eta Lurralde Oreka Diputatuak; Isabel Elizalde, Nafarroako Gobernuko Landa Garapeneko, Ingurumeneko eta Toki Administrazioko kontseilariak eta Mixel Etchebeste, Xiberoa Herri Alkargoaren Lehendakariordeak.

Ostiralean, hilak 18, 9:00etatik aurrera, Markel Olano Gipuzkoako Diputatu Nagusia; Iñaki Dorronsoro Eusko Ikaskuntzako Lehendakaria; Loli Gonzalez Garate ZerainLabeko Lehendakaria; Deirdre O’connor UCD School of Agriculture and Food Science-ekoa eta Tobias Schulz Swiss Federal Institute for Forest, Snow and Landascape Research-ekoa izango dira.

Larunbatean, hilak 19, azkenik, herri Bazkaria, bertso saioa Iñaki Murua eta Sustrai Colinarekin eta Goierriko hainbat herri txikiren arteko herri kirol desafioa izango dira. Ondoren, erromeria Dantzadi taldearekin.

Herri txikien komunitate harremanak, ingurunearekiko harreman jasangarriak eta ekonomia garapenerako eredu berritzaileak aztertuko dira. Kongresuak Europako eredu erreferenteak nahiz Euskal Herri mailako esperientzia anitzak jasoko ditu, ahalik eta kopuru zabalenean.

Sarrera doakoa izango da, tokia bete arte. Izena ematea derrigorrezkoa izango da. Euskaraz, Gazteleraz eta Ingelesez izango dira saioak, eta aldi bereko itzulpen zerbitzua eskainiko da.

Temas

Recibe nuestras newsletters en tu email

Apúntate