Diario Vasco

Def Con Dos, Lendakaris Muertos eta Anari arituko dira gaztetxean

Def Con Dos, Lendakaris Muertos eta Anari arituko dira gaztetxean
  • 29. urteurreneko ekitaldiak etzi hasi eta urtarrilaren 14ra arte luzatuko dira, hainbat ekitaldirekin

Humus eta Euphoric taldeen kontzertuekin emango diote hasiera ostiralean Alegiko gaztetxearen 29. urteurrena ospa- tzeko prestatutako egitarauari. Zahagi-ardoaren ostean, 22:30erako iragarri dituzte kontzertuak. Eta Humus eta Euphoric-en atzetik zerrenda luzea dator: Def Con Dos, Anari, Lendakaris Muertos, Skasti... Etzi hasi eta urtarrilaren 14ra bitartean musika talde asko pasatuko dira gaztetxeko oholtzatik.

Musika ez da, ordea, 29. urteurreneko egitarauko osagai bakarra. Esate baterako, etzi zortzi, hilaren 25ean, 'zerbeza ferie' ospatuko dute gaztetxean. 'Gutik zura' eta 'Gure kabuz ala hil' dokumentalak programatu dituzte abenduaren 1erako eta 9rako, hurrenez hurren; baita ikus-entzunezko emanaldiak ere hilaren 14rako, 16rako eta 22rako. Umeen eguna, futbolin eta poker txapelketak, abenduaren 10eko egun osoko festa, Anoetako Talde Feministaren bisita....

Alegiko gaztetxetik jakinarazi dute abenduaren 3an Lendakaris Muertosen kontzertura joan nahi dutenek salgai dituztela dagoeneko sarrerak Iskiña tabernan 8 eurotan.

Bezperan Anarik eskainiko duen emanaldirako, berriz, ez da aurre-salmentarik izango. Gogora dezagun kontzertu hau Alegiko gaztetxeak eta kultura batzordeak elkarlanean antolatua dela. Hasiera batean, kontzerturako sarrerak hilaren 21ean salgai jarriko zituztela iragarri zuten batzordetik, baina atzo bertan jakinarazi zuten aurre-salmenta bertan behera geratu dela eta, beraz, sarrerak erosteko aukera bakarra abenduaren 2an izango dela, kontzertuaren egunean, gaztetxean bertan 6 eurotan.

Gaur, ipuin kontalaria

Hilabeteko eskaseko etenaren ostean, gaur jarriko da berriz abian Kultura batzordeak udazkenerako antolatutako egitaraua. Gaur Ines Bengoak ipuinak kontatuko dizkie 4 eta 7 urte bitarteko haurrei liburutegian, 17:00etan. Hurrengo astean, azaroaren 22arekin ospatzen den Santa Zezilia egunean, 18:00etan hasita Loa-tzo Musika Eskolako kideek kalejira egingo dute herritik eta ondoren emanaldia eskainiko dute plazan. Eta amaitzeko, abenduaren 3an Euskararen Eguna ospatuko da: Larreta esnekiek tailerra eskainiko dute plazan eta ondoren hamaiketakoa.

Recibe nuestras newsletters en tu email

Apúntate