Diario Vasco

Lapke-ko Zubizarreta eta Garmendia, Gipuzkoako txapeldun

Finaletako lau pilotariak Lertxundi eta Ariztimuñorekin.
Finaletako lau pilotariak Lertxundi eta Ariztimuñorekin. / ELORZA
  • Igarondo pilotalekuan jokatu zen finala

Larunbatean lehiatu ziren, Igarondo pilotalekuan, Gipuzkoako Esku Pilotako Kluben arteko Txapelketaren finalak. Lehen mailan, Lazkaoko Antzar Pilota Kirol Elkarteko (Lapke) ordezkari diren Iraitz Zubizarreta eta Beñat Garmendia izan ziren bertan. Epleko Urmeneta eta Aranburu izan zituzten oraingoan aurkari eta 22-4 nagusitu zen Lapkeko bikotea, txapela jantziz.

Haien atzetik, ohorezko mailako finala jokatu zen, Usurbilgo eta Hernaniko taldeen artean, hau da Santxo-Gorrotxategi batetik eta Ojuel-Arrieta bestetik. Usurbildarrentzat izan zen kasu honetan txapela 22-15 nagusitu baitziren. Partida orekatua izan zen, baina 17-14tik aurrera, usurbildarrek ihes egin zuten markagailuan. Andoni Lertxundik, Federazioko presidenteak e Igor Ariztimuño zinegotziak jantzi zien txapela irabazleei.

Ez da Idiazabalgo finala izan Zubizarreta eta Garmendiak jokaturiko partida bakarra. Bankoa & DV txapelketan ere izan ziren Lapkeko pilotari gazteak igandean. Zubizarreta promesen mailako finalerdia lehiatzeko sailkatu zen, Ruizekin batera oraingoan, Mugiro-Barturen bikotearen aurka 22-6 nagusitu ondoren. Garmendiak aldiz, nagusien mailako final laurdena lehiatu zuen, Urbietarekin, baina 8-22 galdu zuten Santxo-Sarasa bikotearen aurka.

Zubizarretak eliteko finalerdietarako pasea ere eskuan izan zuen asteburuan, Laudioko Areta pilotalekuan lau t'erdian jokatutako partidan, baina Atxarteko Arabiourrutiaren aurka galdu zuen 14-22 amaitu zen norgehiagoka.

Recibe nuestras newsletters en tu email

Apúntate