Diario Vasco

Lau partidaz osaturiko jaialdia jokatuko da gaur Elorri pilotalekuan

Intxurreko pilotarien partidak ikusteko aukera izango dute gaur alegiarrek Elorri pilotalekuan.
Intxurreko pilotarien partidak ikusteko aukera izango dute gaur alegiarrek Elorri pilotalekuan. / INTXURRE
  • Eskuko neurketa bat eta gomazko paletako hiru jokatuko dira 18:45ean hasita

Gaur iluntzean lau partida ikusteko aukera izango dute pilotazaleek Alegiako Elorri pilotalekuan 18:45ean hasita. Lehenengoa alebinen mailakoa izango da eta Intxurre eta Aloña Mendi ariko dira nor baino nor. Ondorengo hiru neurketak gomazko paletakoak izango dira, jubenil nesken mailakoak. Lehenengo biak bigarren mailakoak izango dira, eta Hernani eta Bergarako bikoteen aurka ariko dira etxekoak. Hirugarrenean, lehen mailako partidan, Intxurrekoek hernaniarrak izango dituzte berriz ere aurkari.

Aurreko asteburuko jardunaldiaren errepasoa eginez, Intxurreko nagusien lehen mailako bikoteak ezin izan du Gipuzkoako txapelketako finalerako sailkatu. Lazkaoko bikotearen aurka jokaturiko finalerdian Gelisek eta Arangurenek 22 eta 16 galdu zuten eta, horrenbestez, finaletik kanpo geratu dira. Nagusien hirugarren mailan amaitu da ligaxka eta Intxurreko bikote batek lortu du finalerdietan sartzea: Artolak eta Zabalak osaturiko bikoteak Urnieta izango du aurkari datorren astean jokatuko den finalaurrekoan. Kadeteen hirugarren mailan, ligaxkako azken jardunaldia jokatuko da asteburuan eta Intxurreko bikoteak hurrengo fasera sailkatzeko aukerak ditu.

Gabonetako loteria banatzen

Alegiako Jubilatuen elkarteko bazkideek Gabonetako loteria erosteko aukera dute dagoeneko; 20 euroko dezimoak izango dira, urtero bezala. Loteria erosi nahi duten bazkideak Jubilatuen elkartera gertura daitezke, goizeko 11:00etatik 12:00etara astelehenetik ostiralera. Azken eguna hilaren 18a izango da.

Recibe nuestras newsletters en tu email

Apúntate