Diario Vasco

San Martin jaiak izango dira gaurtik igandera bitartean Errezilen

Errezilgo herritarrek San Martin jaiak ospatuko dituzte gaurtik, ostiraletik, igandera bitartean egitarau oparoarekin. Bihar goizeko 11:00etan meza eskainiko da San Martin elizan eta ondoren hamaiketakoa izango da Borondegin. Arratsaldean, 16:30ean haurrentzako jolasak antolatuko dira. Jarraian 19:00etan, triki-poteoa izango da eta 20:00etan txupinazoa botako dute azokako andreek. Iluntzeko 21:00etan herri afaria izango da Borondegin, gauerdian haurren dantza emanaldia izango da eta ondoren Elizagoien ahizpekin erromeria.

Larunbatean, goizeko 11:00etan eskola kiroleko saskibaloi partidak jokatuko dira eta 13:00etan bazkaria izango da Letean. Arratsaldeko 16:00etan mus txapelketa antolatuko da Borondegin eta 16:30ean haurrentzako zine emanaldia egongo da Borondegin. 18:00etan, triki-kantu poteoa izango da Haritz eta Janetekin eta 20:30ean sagardo eta pintxo dastaketa izango da. 23:00etan Lidia eta Itzederrekin erromeria.

Igandean, herriko produktuen azoka izango da goizeko 11:30etik aurrera, gazta eta tarta lehiaketarekin. Sari banaketa 13:00etan egingo da eta arratsaldean haurren, emakumeen eta gizonen esku-pilota partidak jokatuko dira 17:30etik aurrera.

Bestalde, hurrengo igandean, azaroaren 20an, jubilatuen eguna ospatuko da. Goizeko 10:00etan meza izango da San Martin elizan, 11:30ean haurren krosa izango da eta eguerdian helduentzako bigarren krosa antolatuko da. Arratsaldeko 14:00etan jubilatuen bazkaria izango da Borondegin trikitilariekin eta bertsolariekin, eta baba jate herrikoia Erniopen.

Recibe nuestras newsletters en tu email

Apúntate