Diario Vasco

Aitzakiarik ez euskara ez ikasteko

Othmane, Juan eta Sara auzokideak, Gixane auzotar eta dinamizatzailearekin.
Othmane, Juan eta Sara auzokideak, Gixane auzotar eta dinamizatzailearekin. / M.A.
  • Aasteazkenero biltzen dira 19:15etik 20:15era, Ibarrako Kultur Etxean, auzotar euskaldunak eta auzokide atzerritarrak

Aniztasunari probetxua atera eta emaitza aberatsa lortzeak ez du preziorik. Ishor, Leire, Naima, Nagore eta Mónicaren eguneroko bizipenak jasotzen ditu 'Auzokoak' ikus-entzunezkoak. Jatorri ezberdina duten arren, helburu berak batzen ditu: euskaldunekin euskaraz komunikatzeko gogo eta ahaleginak.

35 minutuko dokumentalak argi eta garbi azaltzen du Auzoko proiektuaren funtsa. «Auzoko Euskaltzaleen Topaguneak sortutako egitasmo bat da. Euskal Herriko zenbait tokitan Auzoko taldeak osatzen dira, euskara ikasteko aukera izan ez duenari hizkuntza irakatsi eta euskaraz komunikatzeko gai izan daitezen». Hala azaldu du Gixane Urrestarazu Auzoko dinamizatzaileak.

Badira hiru bat urte Ibarrako Auzoko taldea osatu zela. Gaur gaurkoz, asteazkenero biltzen dira iluntzeko 19:15etik 20:15era, Ibarrako Kultur Etxean, bai auzotar euskaldunak eta bai auzokide atzerritarrak. «Astero hiru bat biltzen gara; berez, ordea, zortzi bat gara, baina lana dela medio, askok ezin dute etorri. Irteeretara, ordea, animatzen dira» diote.

Euskaltzaleen Topaguneak eskainitako materialekin lantzen dute hizkuntza, euskararen oinarrizko maila lortu arte; «ondoren, Euskaltegian izena emateko animatzen ditugu».

Elkarrekin eta euskaraz bizi ahal dela erakusten dute azken urteotan euskararen aldeko gizarte mugimenduaren proiektuek. Horretarako, jakina, euskaldunak proiektuan nahastea ezinbestekoa da.

Urrestarazuk Auzoko egitasmoan parte hartzeko deia egin zien bertaratu zirenei.

Recibe nuestras newsletters en tu email

Apúntate