Diario Vasco

Jentilen Baratza ipuin eta marrazki lehiaketako sariak banatuko dira igandean

II. Jentilen Baratza ipuin eta marrazki lehiaketako sariak erabakita daude. Epaimahaiek ahobeteko erabakia eman dute, eta jasotako lan askoren kalitate handia azpimarratu dute.

Marrazki lehiaketan 15 parte har-tzaile egon dira,Ataungo LHko umeei irekia izan da. 3 maila egon dira, bakoitzean 5 parte hartzaile egon direlarik. Kalitate oneko lanak jaso direla diote antolatzaileek.

Ipuin lehiaketan 53 parte hartzaile egon dira DBHko mailan (Goierriko gazteek parte hartu zezaketeen) eta 60 parte hartzaile LHko mailan (Ataungo ikasleei zuzenduta zegoen lehiaketa hau). Jasotako ipui kopurua handia izan da, eta horietako asko, kalitatea handikoak.

Sari banaketa datorren igandean, 18:00etatik 19:00ak tartean egingo da, Ataungo San Martingo plazan. Herriko festak izanik, plazan dagoen karpako eszenatokian egingo da. Arratsaldeko egitarauan dantza erakusketa egingo da 18:30ak aldera.

Maila bakoitzean 3 sari emango dira, eta horretaz gain, partaide bakoitzak oroigarri txiki bat jasotzeko aukera ere izango du. Sari moduan, Ataungo denda eta komertzioetan gastatu behar den «txekeak» izango dira.

Marrazki lehiaketan jasotako lanak, Ataun San Martingo plazan egongo dira ikusgai, igande eguerdian. Jentilbaratza Kultur Elkarteak, eskertu nahi die, «Goierri bailarako ikastetxeei eta bertako irakasleei, gazteen parte hartzea ahalbidetzeko ahalegin handia eta laguntza egokia eman baitigute. Baita ere, eskerrak eman nahi diegu Ataungo eta Goierriko gazteei, beren parte hartzeagatik eta erakutsi duten interesagatik. Ziur hurrengo ekitaldietan ere parte hartzeko gogoz egongo direla dagoeneko».

Recibe nuestras newsletters en tu email

Apúntate