Diario Vasco

XXVI. Emeterio Arrese Literatur Lehiaketa

  • Bihar da lanak aurkezteko azken eguna

Haur eta gazteen artean sormena eta hizkuntzarekiko ardura sustatzeko asmoz, Emeterio Arrese Literatur Lehiaketa antolatu dute, hogeita seigarrenez. Bihar da lanak entregatzeko azken eguna.

Lehiaketa 16 urte arteko gaztetxoentzat dago zuzendua, hain zuzen, Ibarran bizi edo ikasten dutenentzat. Parte hartzaileek jatorrizko lanak euskaraz aurkeztu behar dituzte, banaka, betiere lanak aurretik saritu gabeak eta argitaragabeak izanik. Gaia askea da, eta egile bakoitza modalitate batera edo gehiagotara aurkez daiteke, modalitate bakoitzeko lan bakarra aurkeztuz. Modalitate biak poesia eta prosa dira, hiru mailatan bereizita: 1. maila, Lehen Hez-kuntzako 1., 2. eta 3 kurtsoetarako; 2. maila, Lehen Hezkuntzako 4., 5. eta 6. kurtsoetarako; eta 3. maila Derrigorrezko Bigarren Hez-kuntzako maila guztientzako. Lanek ez dute egilearen sinadurarik, ezizenik edo bestelako seinalerik izan behar. Lan bakoitza gutun-azal itxi batean entregatu beharko da, kanpoan lanaren izenburu, maila eta modalitatearekin. Gutun-azalaren barruan, egilearen izena eta bi abizenak, jaiotze-data, helbidea, telefonoa eta ikasmaila azaldu beharko dira.

Lanak Ibarrako udaletxeko Euskara Zerbitzuan edo Kultur Etxean. Irabazleek oroigarria eta liburuetan gastatzeko 30 euroko diru-saria irabaziko dute.

Recibe nuestras newsletters en tu email

Apúntate